Jańa jyl shyrshasy 16 jeltoqsannan keıin ornatylady – Altaı Kólginov

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Nur-Sultan qalasynyń ákimi Altaı Kólginovke Jańa jyl shyrshasy qashan ornatylatyny týraly suraq qoıyldy, QazAqparat tilshisi.

Qala ákimi Táýelsizdik merekesi toılanyp bitpeıinshe Jańa jylmen baılanysty sharalar ótpeıtinin atady.

«Jańa jyl shyrshasyna qatysty aıtsaq, biz Jańa jyl merekesine arnalǵan sharalardy Táýelsizdik kúni ótkennen keıin bastaýdy josparlap otyrmyz. ıAǵnı, 16 jeltoqsannan keıin bastalady. Qazir ákimdik tarapynan daıyndyq júrip jatyr», -dedi ákim.

Atalmysh brıfıngide Altaı Kólginov elordadaǵy LRT qurylysyn aıaqtaýǵa qajet qarjyny 3,25 paıyzdyq nesıe arqyly jabý kózdelip otyrǵanyn aıtty.

«Óz elimizdegi ekinshi deńgeıli bankterden 3,25 paıyzben oblıgatsııalyq qaryz alý boıynsha jumys istep jatyrmyz. ıAǵnı bul 4,9 paıyzdan áldeqaıda az. Onyń ústine qaryzǵa qyzmet kórsetý boıynsha 800 mln dollar únemdeıtin edik. Odan bólek EPC kelisimsharty boıynsha 200 mln dollar jáne únemdedik. Stantsııalar men vagondardyń sanyn qysqartý arqyly 150 mln dollar únemdeldi», - dedi astana ákimi.