Farhat Ábdiraıymovqa arnaıy marapat berildi
ALMATY. QazAqparat – Almatydaǵy «Bastaý» 9-halyqaralyq kınofestıvalde tanymal qazaqstandyq akter, marqum Farhat Ábdiraıymovqa otandyq kınomatografııany damytýǵa qosqan úlesi úshin arnaıy marapat berildi, dep habarlaıdy QazAqparat.
«Ákem halyq nemese eńbek sińirgen ártisi sııaqty memlekettik ataqtar almaǵan edi, alaıda ol árqashan jaqsylyq pen qaıyrymdylyqtyqtyń pen ádildiktiń jaqtaýshysy boldy. Sondyqtan da biz ákemizdiń osy syılyǵyn erekshe yqylaspen qabyldadyq», - dep jazdy akterdiń jelidegi paraqshasynda balalary.
Festıval uıymdastyrýshylary syılyqty akterdiń jesiri Vıktorııa Ábdiraıymova men uldary Aslan men Temirlanǵa bergen.
Eske salsaq, bıyl mamyr aıynda Grýzııada túsirilim barysynda Qazaqstan akteri Farhat Ábdiraıymov qaıtys boldy.Farhat Ábdiraıymov 1966 jyly 21 qańtarda Almaty qalasynda týǵan.
Almaty tehnologııalyq ýnıversıtetin ınjener-tehnolog mamandyǵy boıynsha bitirgen. 1999 jyldan Sh.Aımanov atyndaǵy «Qazaqfılm» AQ-nyń akteri bolǵan edi. Ol «Shanhaı», «Aqsýat», «Ompa», «Mahabbat tálkegi», «Sıqyrshy demeýshi», «Jel adam», «Frantsýz qurbaqasynan ázirlengen bor», «Shekara», «Jan júregim - Astana», «Parallel álem», «Geızer», «Úsh lımon», «Batyr», «Eń sulý» syndy fılmderge túsken.
Farhat Nursultanuly RF «Úzdik akter» kıno basylymynyń bas júldesin, XXI Halyqaralyq «Svıatoı Georgıı Pobedonosets» kınofestıvaliniń Gran-prı júldesin jeńip alǵan. 2020 jyly «Altyn Adam» syılyǵynyń «Jyl kınojuldyzy» atalymyn ıelengen. QR Prezıdentiniń Qurmet gramotasymen marapattalǵan.
