Qostanaıda 5-qabattan qulaǵan boıjetken mert boldy
2021 jylǵy 30 qarasha 15:45

Qostanaıda 5-qabattan qulaǵan boıjetken mert boldy

QOSTANAI. QazAqparat - Qostanaıdaǵy shaǵyn aýdanda kópqabatty úılerdiń birinde 23 jastaǵy boıjetken 5-qabattan qulady. Bul faktige qatysty Qostanaı oblystyq densaýlyq saqtaý basqarmasy pikir bildirdi, dep habarlaıdy QazAqparat tilshisi.

«23 jastaǵy boıjetken qulap ketken. Jedel járdemge tańǵy saǵat 5.15-te qońyraý tústi. Qyz jedel járdem kóligi kelgenge deıin mert bolǵan. Qatty jaraqat alyp, sodan kóz jumǵan»,- dedi oblystyq densaýlyq saqtaý basqarmasynyń baspasóz qyzmetinen.

Qostanaı oblystyq polıtsııa departamenti oqıǵaǵa qatysty túsinik bermedi.

Eske salaıyq, bir apta buryn ǵana osyndaı jaǵdaı Rýdnyıda bolǵan edi.

4-qabattyń balkonynan 41 jastaǵy áıel qulaǵan bolatyn.


Avtor:
Tilshi

Jańalyqtar

MURAǴAT