Qyzylordada darııaǵa kóligimen túsip ketken jigittiń máıiti tabyldy
2021 jylǵy 29 qarasha 17:30

Qyzylordada darııaǵa kóligimen túsip ketken jigittiń máıiti tabyldy

QYZYLORDA. QazAqparat - Qyzylorda qalasynda darııaǵa kóligimen túsip ketken jigittiń máıiti syrtqa shyǵaryldy, dep habarlaıdy QazAqparat tilshisi.

Eske salsaq, búgin, 29 qarashada saǵat 03:54 shamasynda oblys ortalyǵyndaǵy «Rısmash» aýmaǵynda eki adam «Daewoo Nexia» markaly kólikpen Syrdarııaǵa túsip ketken.

Onyń bireýi - 1994 jylǵy azamat óz kúshimen jaǵaǵa shyqqan. Ekinshisi kólik ishinde qalyp qoıǵan.

Kólik ishinde qalyp qoıǵan 27 jastaǵy azamatty izdestirýge jedel-qutqarý jasaǵynan 1 tehnıkamen 5 adam bardy.

«Qutqarýshylar 04.20-da sý asty izdestirý jumystaryn bastady. Saǵat 09:22-de avtokólik syrtqa shyǵaryldy. Onyń ishinen 1994 jylǵy júrgizýshiniń denesi shyǵarylyp, týystaryna tapsyryldy», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.




Uqsas jańalyqtar

Jańalyqtar

MURAǴAT