Panfılov aýdanynyń ákimdigi mektepke ájethana salý úshin aqsha jınaǵandardyń áreketine túsinik berdi
2021 jylǵy 28 qarasha 20:05

Panfılov aýdanynyń ákimdigi mektepke ájethana salý úshin aqsha jınaǵandardyń áreketine túsinik berdi

TALDYQORǴAN. QazAqparat - Almaty oblysy Panfılov aýdanynyń ákimdigi mektepke ájethana salý úshin aqsha jınaǵandardyń áreketine túsinik berdi, dep habarlaıdy QazAqparat tilshisi.

Áleýmettik jelide mekteptiń ishine ájethana salý úshin turǵyndardan qarajat jınalyp jatqandyǵy jóninde jarııalandy.

«Mynaý ne sumdyq? Mektepke kafeldi halyqqa aqsha jınatyp saldyrýda. Sonda buǵan aqsha bólinbeıdi me? Prezıdenttiń tapsyrmasymen qazir barlyq jerde mektep dárethanasy ishte ornatylýy kerek. Tekserýlerińizdi suraımyz»,- dep jazylǵan.

Vıdeoda mektep ǵımaratynyń ishine salynyp jatqan dárethana kórsetilgen. Ol bastaýysh synyptarǵa arnalǵany jáne kafelge aqsha jetpeı jatqany da jazylǵan. Turǵyndardan aqshalaı kómek suralyp, Kaspi bank kartochkasyna aqsha aýdarý úshin telefon nomeri berilgen.

«Mektep eki korpýstan turady. Bir korpýsynda ǵana ishki ájethana bar. Ekinshi korpýsta ájethana joq. Ata-analar óz bastamalarymen ishke ájethana salǵyzyp jatyr. Qarjy jetpeı ata-analar demeýshi izdegen. Qazir qurylys jumysy 90 paıyz aıaqtalǵan. Ózderi aıaqtaıtynyn aıtýda»,- delingen Panfılov aýdany ákiminiń baspasóz qyzmetiniń QazAqparat tilshisine bergen jaýabynda.



Jańalyqtar

MURAǴAT