Batys Qazaqstanda avtokólik sıyrǵa soǵylyp, eki adam aýrýhanaǵa jetkizildi
2021 jylǵy 27 qarasha 04:24

Batys Qazaqstanda avtokólik sıyrǵa soǵylyp, eki adam aýrýhanaǵa jetkizildi

ORAL. QazAqparat – Batys Qazaqstan oblysynda avtokólik sıyrǵa soǵylyp, eki adam aýrýhanaǵa jetkizildi, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa 26 qarasha kúni Aqjaıyq aýdany Jańabulaq aýyly tusynda boldy. Saǵat 18.38-de Oral-Atyraý jolynyń 105-shaqyrymynda Hyundai Accent avtokóliginiń júrgizýshisi sıyrdy qaǵyp ketken.

Trassadaǵy medıtsınalyq qutqarý beketiniń qyzmetkerleri jol apatynan zardap shekken 40 jáne 44 jastaǵy áıelderdi Aqjaıyq aýdandyq ortalyq aýrýhanasyna jetkizdi. Olar túrli jaraqat alǵan.

Júrgizýshi medıtsınalyq kómekten bas tartty. Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Oralda kólik qaǵyp ketken 19 jastaǵy jigittiń kóz jumǵanyn jazǵan bolatynbyz.

Jańalyqtar

MURAǴAT