Semeıde kólik almaq bolǵan er adam alaıaqqa 700 myń teńge bergen
2021 jylǵy 25 qarasha 21:52

Semeıde kólik almaq bolǵan er adam alaıaqqa 700 myń teńge bergen

SEMEI. QazAqparat – Semeı qalasynyń turǵyny kólik alamyn dep alaıaqqa aldanyp qaldy, dep habarlaıdy QazAqparat tilshisi.

Qalalyq PB Áýezov polıtsııa bólimine 33 jastaǵy er adam júgingen. Óz sózinde ol áńgimege tartqan belgisiz bireýdiń «VAZ-21060» markaly avtokólikti arzan baǵaǵa satatyndyǵyn aıtyp, sendirgenin jetkizdi.

Biraq 700 000 teńge aqshasyn alǵannan keıin alaıaq habarsyz ketken. Sol kezde aldanyp qalǵanyn túsingen jábirlenýshi polıtsııadan kómek surady.

«Tártip saqshylary buryn sottalǵan 27 jastaǵy kúdiktini qolǵa túsirdi. Oǵan qatysty QR QK-niń 190-baby 1-bóligine (Alaıaqtyq) sáıkes qylmystyq is qozǵaldy. Tergeý amaldary jalǵasýda», - dedi Semeı qalalyq PB bastyǵy Shalqar Qunanbaev.


Jańalyqtar

MURAǴAT