Almatyda jańajyldyq keshter ótkizýge tyıym salyndy
2021 jylǵy 18 qarasha 17:48

Almatyda jańajyldyq keshter ótkizýge tyıym salyndy

ALMATY. QazAqparat – Almaty koronavırýs boıynsha «jasyl» aımaqta tursa da jańa jyl keshteri men otyrystaryn ótkizýge tyıym salynady. Bul týraly brıfıng barysynda Almaty qalasynyń bas sanıtar dárigeri Jandarbek Bekshın málim etti, dep habarlaıdy QazAqparat tilshisi.

« Biz «qyzyl», «sary», «jasyl» aımaqta bolsaq ta ujymdyq keshterge tyıym salynady. Búgingi kúni vırýs juqtyrý jaǵdaıy saqtalýda. Tipti, «jasyl» aımaqta bolsaq ta bir táýlikte 120- 130 adamnan koronavırýs anyqtalyp jatyr. Eger ujymdyq sharalardy ótkizetin bolsaq, biz birden «sary» emes «qyzyl» aımaqqa oralamyz. Bizdiń maqsatymyz karantın sharalaryn saqtaýdy odan ári jalǵastyrý», - deıdi Jandarbek Bekshın.

Sonymen qatar, ol mektepke deıingi mekemelerde de erteńgilik ótpeıtinin tilge tıek etti.

«Balabaqshalarda jańajyldyq erteńgilikter ótkizýge bolmaıdy. Bul toptar arasynda vırýs juqtyrý qaýpin týdyrady»,- dedi ol.


Uqsas jańalyqtar
Avtor:
Tilshi

Jańalyqtar

MURAǴAT