USD 434.24 EUR 492.69
RUB 5.67 CNY 68.46
Jańalyqtar

Qazaqstanda qylmystyq isterdiń 78,6% elektrondy formatta qaralyp jatyr

2021 jylǵy 25 qazan 17:10
Bólisińiz:
Qazaqstanda qylmystyq isterdiń 78,6% elektrondy formatta qaralyp jatyr

NUR-SULTAN. QazAqparat – Búginde elimizde qaralyp jatqan qylmystyq isterdiń 78,6 paıyzy elektrondy formatta júrgiziledi. Bul týraly QR Іshki ister mınıstriniń orynbasary Sáken Sársenov málim etti, dep habarlaıdy QazAqparat tilshisi.

Uqsas jańalyqtar
Aqmola oblysynda izdeýde júrgen eki qylmysker qolǵa tústi ShQO-da sibir eligin atqan er adam ustaldy Almatyda qarý-jaraq dúkenderin tonaǵan qylmysker  ustaldy

«Qazirgi ýaqytta sotqa deıingi tergeý qyzmeti de avtomattandyrylyp jatyr. Ótken jyldyń 1 qyrkúıeginen bastap qylmystyq isti júrgizýdiń úsh deńgeıli modeli engizilýde. Jańa júıe qylmystyq is tirkelgen sátten bastap, sotqa jiberilgenge deıin barlyq protsestiń ashyqtyǵyn qamtamasyz etedi. Osy oraıda qylmystyq isterdi elektrondy formatqa kóshirý úshin quqyq qorǵaý organdary zamanaýı qural-jabdyqtarmen qamtamasyz etilýde», - dedi Sáken Sársenov OKQ-de ótken baspasóz máslıhatynda.

Mınıstr orynbasarynyń aıtýynsha, elimizde bıyl tirkelgen 159 557 qylmystyq istiń 124 382-i elektrondy formatta júrgizilgen.

«Búginde 70 688 isti qaraý aıaqtaldy. Onyń ishinde 14 725 sotqa jiberilse, 55 963 isti qaraý toqtatyldy. Qazirgi ýaqytta elimizde qaralatyn qylmystyq istiń 78,6% elektrondy formatta qaralyp jatyr. Bul kórsetkishti 100 paıyzǵa jetkizý josparymyz bar», - deıdi ol.

Buǵan deıin S. Sársenov jyl sońynda deıin elimiz boıynsha barlyq mekteptiń beınebaqylaý júıesi QR Іshki ister mınıstrliginiń Jedel basqarý ortalyǵyna tikeleı qadaǵalaýǵa beriletinin málim etti.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT