SQO-da 14 qoı kólik astyna túsip, qyryldy
2021 jylǵy 11 qazan 18:46

SQO-da 14 qoı kólik astyna túsip, qyryldy

PETROPAVL. QazAqparat – Soltústik Qazaqstan oblysynda kólik júrgizýshisi túngi ýaqytta avtojoldyń ústine shyǵyp ketken qoılarmen soqtyǵysyp, saldarynan 14 mal óldi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, oqys oqıǵa 11 qazanǵa qaraǵan túni «Nur-Sultan-Petropavl» avtojolynyń 370 shaqyrymynda, Taıynsha aýdany Kremenchýg aýylynyń mańynda bolǵan. Kókshetaý qalasynyń 36 jastaǵy turǵyny «VAZ 2115» avtokóligimen kele jatyp, jolǵa shyǵyp ketken qoılardy kesh baıqaǵan. Saldarynan mashına maldardy qaǵyp ótip, 14 qoı óldi. Júrgizýshi zardap shekken joq, kólik mehanıkalyq zaqymdaldy.

Janýarlardyń ıesine maldy jolǵa shyǵarǵany úshin ákimshilik hattama toltyryldy.

«Osyǵan uqsas jol-kólik oqıǵasy qyrkúıek aıynyń sońynda Esil aýdanynyń aýmaǵynda bolǵan edi. Ol joly da 14 bas qoı qyryldy. Polıtsııa qyzmetkerleri osyndaı oqıǵalarǵa ákeletin erkin mal jaıý faktileriniń aldyn alý úshin jumystar júrgizedi. Mal aıdaýshylar da qyraǵylyq tanytý kerek. Olar jol qozǵalysynyń qatysýshylary, sondyqtan belgilengen erejelerdi saqtaý kerek. Mal ıeleri men baqtashylar maldyń jolǵa kenetten shyǵýyna jol bermeýi kerek. Túlikti jol boıymen táýliktiń jaryq ýaqytynda ǵana aıdap ótýge bolady. Al qarańǵy ýaqytta ótkizý úshin jaqyndap kele jatqan avtomobılderge fonarmen nemese alaýmen sıgnal berý mindetti», - deıdi SQO PD JPQ basqarmasynyń bastyǵy Aıdyn Baımatov.


Jańalyqtar

MURAǴAT