Qazaqstanda Pfizer vaktsınasy egiletin sanattar keńeıtilýi múmkin
2021 jylǵy 11 qazan 12:31

Qazaqstanda Pfizer vaktsınasy egiletin sanattar keńeıtilýi múmkin

NUR-SULTAN. QazAqparat – Qazaqstanda Pfizer vaktsınasy egiletin adamdardyń tizimi keńeıtilýi múmkin. Bul týraly Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Pfizer vaktsınasyna toqtalsaq, bastapqy kezeńde bul ekpeler 12 jastan bastap balalarǵa jáne júkti áıelderge arnalady. Keıin osy vaktsınamen qamtylatyndar tizimin keńeıtýimiz múmkin», - dedi A. Tsoı Májilistegi Úkimet saǵatynda depýtattar saýalyna jaýap bere otyryp.

Onyń aıtýynsha, Pfizer kompanııasynyń vaktsınasy 12-17 jas aralyǵyndaǵy balalar men júkti áıelderge ruqsat etilgen jalǵyz ekpe bolyp tur.

«Osyǵan baılanysty mınıstrlik Pfizer kompanııasymen 2021 jyldyń sońyna deıin 4 mln doza vaktsınany jetkizý boıynsha shartqa qol qoıdy», - dedi mınıstr.

Qazirgi ýaqytta respýblıka azamattaryna «Gam-KOVID-Vak» (Spýtnık V), «QazVac», «Hayat-Vax», «KoronaVak» jáne «Sınofarm» syndy bes túrli vaktsına qoljetimdi.



Avtor:
Tilshi

Jańalyqtar

MURAǴAT