Qasym-Jomart Toqaev ShQO-daǵy ekologııalyq másele boıynsha tapsyrma berdi
2021 jylǵy 22 qyrkúıek 13:46

Qasym-Jomart Toqaev ShQO-daǵy ekologııalyq másele boıynsha tapsyrma berdi

NUR-SULTAN. QazAqparat – Memleket basshysy Qasym-Jomart Toqaev Shyǵys Qazaqstan oblysyndaǵy Qaljyr ózenine qatysty másele boıynsha tapsyrma berdi, dep habarlaıdy QazAqparat.

«Aıqyn» gazetiniń búgingi nómirine «Qaljyrdy kim lastap jatyr?» degen maqala jarııalanǵan edi. Onda Shyǵys Qazaqstan oblysyndaǵy Qaljyr ózenin zańsyz altyn óndirýshiler qatty lastap jatqany týraly óte ózekti másele kóterilgen. Osyǵan baılanysty Memleket basshysy Qasym-Jomart Toqaev Ekologııa, geologııa jáne tabıǵı resýrstar mınıstrligi men Shyǵys Qazaqstan oblysynyń ákimdigine atalǵan problemany egjeı-tegjeıli tekserip, kinálilerdi jaýapkershilikke tartý týraly tapsyrma berdi», - dep jazdy QR Prezıdentiniń baspasóz hatshysy Berik Ýálı jelidegi paraqshasynda.

Foto: aikyn.kz


Jańalyqtar

MURAǴAT