+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

«Barselonadan» resmı túrde ketken Messıdi qaı komandanyń sapynan kórýimiz múmkin

2021 jylǵy 6 tamyz 09:08
Bólisińiz:
«Barselonadan» resmı túrde ketken Messıdi qaı komandanyń sapynan kórýimiz múmkin

NUR-SULTAN. QazAqparat – Argentınanyń Moradonnadan keıingi eń ataqty fýtbolshysy, «Barselonnanyń» baǵy sanalǵan Lıonel Messı ıspanııalyq klýbtan resmı túrde ketetini belgili boldy, dep habarlaıdy tilshisi.

Eurosport -tyń jazýynsha, sońǵy bir aıdy Messı táýelsiz agent retinde ótkizgen. 1 shildedegi qarjy daýlarynan keıin onyń katalonııalyq klýbpen aradaǵy kelisimsharty aıaqtalyp, táýelsiz agentke aınalǵan bolatyn.

34 jastaǵy Messıdiń klýbqa qaıta oralýyn sońǵy kelissóz sheshý tıis edi. Biraq eki tarap qarjylyq kedergilerge baılanysty kelisimge kele almaıtynyn málimdep otyr.

«Barselona» men Lıonel Messı ortaq mámilege kelip, eki taraptyń da jańa kelisimshartqa qol qoıý nıeti bolǵannyń ózinde Ispanııa lıgasynyń reglamentindegi qarjylyq jáne qurylymdyq kedergilerge baılanysty bul múmkin emes. Osy ahýalǵa baılanysty Messı «Barselona» sapynda qalmaýy kerek. Eki tarap ta oıynshy men klýbtyń kelisimshartty jandandyrýǵa degen nıet-tilegi oryndalmaǵanyna qatty ókinedi», - delingen klýbtyń habarlamasynda.

Táýelsiz agent mártebesi bolǵandyqtan, endi Messı álemdegi kez-kelgen fýtbol klýbymen kelisimshart jasaı alady. Biraq 34 jastaǵy Messıdi óz qataryna alý úshin onyń qarjy suranysyn oryndaı alatyn klýbtardyń sany onsha kóp emes. Anglııada «Manchester Sıtıdiń» Messıdi óz sapyna qosýǵa qarjylyq múmkindigi bar. Onyń ústine «Barselonanyń» burynǵy bapkeri Hosep Gvardıola sonda jumys istep júr. Fýtbol sarapshylary Messı «Sıtı» quramyna alynyp jatsa, oǵan «Barselonada» eńbektengendeı ter tógý de qajet bolmaıtynyn aıtady. Sońǵy eki jylda argentınalyq fýtbolshy «Barsany» alǵa órleý úshin jeke basynyń sheberligine ǵana senip jumys istegen sátteri kóp bolǵan. Al «Manchester Sıtıdiń» qazirgi quramy kileń «sen tur men ataıyn» deıtin oıynshylardan jasaqtalǵan.

Kez kelgen talantty fýtbolshydan jasyna qaramaı aqsha aıamaıtyn «Parı Sen - Jermen» (PSJ) de Messıdi alýǵa áleýeti bar klýb retinde qarastyrylyp otyr.

Teorııalyq turǵydan alsaq, Frantsııanyń birinshi lıgasy Anglııanyń premer-lıgasyna qaraǵanda jeńilirek bolýy múmkin. Bul Messıge Chemıpondar Lıgasy sııaqty halyqaralyq týrnırlerge kóbirek kúsh salýǵa múmkindik beredi.

Sondaı-aq, Parıjde onyń jaqyn dostary Neımar men Anhel Dı Marııa bar. Shabýyl ótinde bul eki talanttan bólek Kılıan Mbappemen básekelesý kerek bolady.

Florentıno Peres Messıdi «Real Madrıdke» alǵysy keledi» degen sybys ta bar. AQSh fýtbol lıgasyndaǵy aýqatty klýbtar da «Galatasaraı» sııaqty Taıaý Shyǵystaǵy biren-saran klýb ta Messıdiń talap etken eńbekaqysyn bere alady. Biraq Messı áli de bolsa, álemdegi eń úzdik fýtbolshy bolyp sanalǵandyqtan, oǵan Eýropa alpaýyttarynan oryn tabý tıimdi. Osyny eskersek, Messı úshin negizgi talas «Menchester Sıtı» men «PSJ» arasynda ótýi múmkin.

«Barselona» sapynda Messı altynshy «Altyn dobyn» aldy. Ol 778 matchta 672 gol soqqan komandanyń úzdik surmergeni jáne 520 matchta 474 gol soqqan ıspan lıgasynyń úzdik surmergeni retinde qazirdiń ózinde tarıhqa esimin jazyp úlgergen. Katalonııalyq klýb sapynda 2004 jyldan, 17 jasynan beri oınap keldi.


Bizdiń kanalymyzǵa jazylyńyz:

#Sport  
Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT