+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qazaqstanda orman alqaptary azaıdy degen aqparat shyndyqqa janaspaıdy - komıtet

2021 jylǵy 4 tamyz 12:05
Bólisińiz:
Qazaqstanda orman alqaptary azaıdy degen aqparat shyndyqqa janaspaıdy - komıtet

NUR-SULTAN. QazAqparat - Áleýmettik jelilerde Qazaqstandaǵy ormandardyń joıylyp jatqany jaıly aqparat tarady. Osyǵan baılanysty Ekologııa mınıstrliginiń orman sharýashylyǵy jáne janýarlar dúnıesi komıteti málimet taratty, dep habarlaıdy QazAqparat.

Uqsas jańalyqtar
Oral qalasy mańynda orman alqaby órtendi

Qazaqstan shaǵyn ormandy el sanalady. Qazirgi ýaqytta orman qorynyń aýdany (barlyq ormandar men orman sharýashylyǵyn júrgizýge arnalǵan jerlerdiń jıyntyǵy) 30,4 mln gektardy quraıdy, onyń ishinde 13,3 mln gektary ormanmen qamtylǵan (el aýmaǵynyń 11%), ormandylyq kórsetkishi - 4,9%.

Qazaqstanda ormandar birkelki ornalaspaǵan. Orman ósimdikteriniń túrleri tabıǵı aımaqtardyń ártúrliligimen anyqtalady.

Shóldi aımaqta sekseýil ormandary ósedi. Taýly ormandardyń negizgi bóligi Altaı, Jońǵar jáne Іle Alataýynyń qara qylqandy ekpelerimen kómkerilgen.

Dala jáne ormandy dala aımaqtarynyń jazyq bóliginde qaıyń-kókterek shoq ormandar, qaraǵaıly ormandar, Ertis óńiriniń jaldy ormandary ósedi.

Sekseýil ormandary ormanmen qamtylǵan barlyq alqaptyń 50,5% - yn, qylqan japyraqty ekpeler - 13,5% - yn, jumsaq japyraqty ekpeler-11,7% - yn quraıdy.

2000 jyly orman qorynyń aýdany 26,5 mln. ga qurady, onyń 11,4 mln.ga - ormanmen qamtylǵan, ormandylyǵy - 4,1%. 2015 jyly bul kórsetkishter tıisinshe 29,3 mln.ga, 12,6 mln. ga jáne 4,6% - dy qurady.

2020 jyly ormanmen qamtylǵan alqap 1,6 mln. gektarǵa ulǵaıyp, 13,1 mln. gektardy quraǵanyn atap ótken jón.

Osylaısha, 2001-2020 jyldary el 60,1 myń ga orman jamylǵysyn joǵaltty degen aqparat rastalmady. Kerisinshe, jalpy orman alqaptarynyń ulǵaıý úrdisi baıqalady.

Buǵan óńirlerdegi orman qorynyń jaı-kúıi týraly derekter dálel.

Máselen, Shyǵys Qazaqstan oblysynda búginde orman qorynyń aýdany 3,8 mln.gektardy quraıdy, onyń 2 mln gektary ormanmen qamtylǵan.

2001 jylmen salystyrǵanda bul kórsetkishter tıisinshe 349,3 myń ga jáne 252,2 myń ga ulǵaıdy.

Qostanaı jáne Soltústik Qazaqstan oblystarynda orman qorlarynyń aýdany 2001 jyldan bastap 621,1 myń gektarǵa, ormanmen qamtylǵandar - 54,8 myń gektarǵa ulǵaıdy.

Búginde bul kórsetkishter eki oblys boıynsha tıisinshe 1,8 mln ga jáne 815 myń ga quraıdy.

Aqmola oblysynyń orman qory búginde 1 mln. gektardan astam aýmaqty alyp jatyr, onyń ishinde 384,8 myń gektary ormanmen qamtylǵan, kórsetkishterdiń ósýi tıisinshe 251,3 myń gektardy jáne 66,4 myń gektardy qurady.

Qazirgi ýaqytta Almaty oblysynda orman qorynyń aýdany 5411,5 myń gektardy quraıdy, onyń 2005,9 myń gektary ormanmen qamtylǵan.

Kórsetkishterdiń ósýi tıisinshe 556,9 myń ga jáne 211,5 myń ga quraıdy.

Joǵaryda aıtylǵandardy qorytyndylaı kele, komıtet jelide taralǵan aqparat shyndyqqa janaspaıtynyn habarlaıdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT