+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Elimizde qurylys materıaldaryn biryńǵaı baǵamen satý alańy iske qosylady

2021 jylǵy 3 tamyz 17:51
Bólisińiz:
Elimizde qurylys materıaldaryn biryńǵaı baǵamen satý alańy iske qosylady

NUR-SULTAN. QazAqparat – Elimizde qurylys materıaldaryn satý men satyp alýǵa arnalǵan onlaın júıe iske qosylady. Bul týraly QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev málim etti, dep habarlaıdy QazAqparat tilshisi.

«Marketpleıs alańy qurylys materıaldarynyń qunyn 15%-ǵa deıin tómendetýge múmkindik beredi jáne naryqtyń ashyqtyǵyn qamtamasyz etedi. Sondaı-aq, otandyq óndirýshiler memlekettiń qoldaýymen uzaq merzimdi kelisimsharttar jasasýǵa jáne qurylys materıaldaryn belgilengen quny boıynsha satýǵa múmkindik alady. Sonymen qatar jańa júıe qurylys salýshy kompanııalar úshin de tıimdi», - dedi Q. Óskenbaev baspasóz máslıhatynda.

Onyń aıtýynsha, atalǵan júıe arqyly qurylys materıaldaryn shyǵarýshylar óz ónimderi týraly aqpartty emin-erkin jarııalaı alsa, tıisinshe qurylys kompanııalary taýarǵa deldalsyz tıimdi baǵamen qol jetkize alady.

«Osylaısha qurylys kompanııalary úshin otandyq qurylys materıaldaryn satyp alý tikeleı qoljetimdi. Qazirgi ýaqytta saıt testileýden ótip jatyr. Búginde elimiz boıynsha qurylys materıaldaryn shyǵaratyn 31 ónerkásip tirkelip, olar 50-den astam kommertsııalyq usynys bildirdi. Jyl sońyna deıin qurylys materıaldaryn ázirleıtin kompanııalar óz ónimderin onlaın usynatyn sóre fýnktsııasy ázir bolady. Qurylys materıaldarynyń baǵasy Qurylys isi jáne turǵyn-úı kommýnaldyq sharýashylyǵy komıteti arqyly qadaǵalanady. Osylaısha baǵa turaqtylyǵyn qamtýdy kózdep otyrmyz», - deıdi ol.

Buǵan deıin mınıstr orynbasary elimizde qurylys jobalarynyń quny onlaın kalkýlıator arqyly eseptelinetini týraly aıtty.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT