+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

SQO-da zııankes shabyndyq kóbelegi kóbeıip ketti

2021 jylǵy 3 tamyz 20:52
Bólisińiz:
SQO-da zııankes shabyndyq kóbelegi kóbeıip ketti

PETROPAVL. QazAqparat – Soltústik Qazaqstan oblysynda fıtosanıtarlyq dıagnostıka jáne boljamdar ortalyǵynyń fılıaly 7 mln astam alqapqa monıtorıng júrgizdi, dep habarlaıdy QazAqparat tilshisi.

Uqsas jańalyqtar
SQO-da eki aptada koronavırýsty juqtyrý kórsetkishi 1,7 ese artty SQO-da shekteýler taǵy da qatańdatyldy Petropavlda bıyl 122 sottalǵan ótemaqy qoryna 6 mln teńgege jýyq májbúrli tólem jasaýy tıis

SQO-da aram shópter men zııankesterdiń 7 túri boıynsha alqaptarǵa monıtorıng júrgiziledi. Oblystyq fıtosanıtarlyq dıagnostıka jáne boljamdar ortalyǵy bıyl jospar boıynsha 10 mln astam ga tekserýi qajet. Sonyń jartysyna jýyǵy asa qaýipti zııankester boıynsha, shamamen 286 myń karantındik nysandar, ıaǵnı aram shópter boıynsha, 2 mln ga jýyǵy qaýipti zııankester boıynsha. Budan basqa asa qaýipti zııankester boıynsha 3 mln ga jýyq alqap júıeli túrde mamandardyń baqylaýyna alynǵan.

«Búginge deıin 7 mln ga monıtorıng zertteýi júrgizildi. Eki aıǵa sozylǵan qýańshylyq zııankester men aram shóptiń taralýyna da áser etti. Bıyl septorıoz biz boljaǵannan eki ese az. Ádette ol jańbyrly jazda kóp bolady. Bıyl birqatar sharýashylyqtarda shabyndyq kóbelegi paıda boldy. Bizge Reseıden ushyp kelip jatyr degen boljam bar.

Reseıdiń kórshi Túmen, Omby, Qorǵan oblystarymen áriptestik baılanys ornatqanbyz. Karantındik shekteýlerge deıin birge monıtorıngtik zertteýler júrgizip keldik. Olarǵa shabyndyq kóbelegi byltyr Altaı óńirinen, Novosibir jaqtan kelipti. Bıyl zııankesterdiń birinshi býyny óte kóp bolǵan. Kóbelegi ósimdik shirnesin ǵana jese, juldyzqurttary talǵamaıdy, bárin jeı beredi, sondyqtan olardan qaýip joǵary», - deıdi «Respýblıkalyq fıtosanıtarlyq dıagnostıka jáne boljamdar ádistemelik ortalyǵy» RMM SQO fılıalynyń jetekshisi Qabıden Sádýaqasov.

Monıtorıngtik zertteýdiń qorytyndysy boıynsha bıyl sharýashylyqtarǵa 350-den astam eskertý habarlamasy jiberilgen.

«Ýkekire degen shóp bar, usaq maldan basqasy jemeıdi. Osy aram shóp boıynsha sharýashylyqtarǵa - 37, septorıoz boıynsha - 17 jáne shabyndyq kóbelegi boıynsha 53 eskertý habarlamasyn berdik. Zııankesterge júıeli túrde baqylaý júrgizý úshin belgili bir sharýashylyqtardy negizge alamyz. Sol jerde zııankesterdi kezeń-kezeń boıynsha baqylap otyramyz. Shildeniń basynda shabyndyq kóbeleginiń ekinshi býyn shatyrqanattary ushty. Qazir olardyń juldyzqurttary shyǵa bastaıdy. Bizdiń maqsatymyz – sharýashylyqtardy eskertý, boljaý», - deıdi Qabıden Sádýaqasov.

SQO-da fıtosanıtarlyq dıagnostıka jáne boljamdar ortalyǵynyń fılıaldary barlyq 13 aýdanda bar. Alaıda jumys isteıtin mamandar tapshy, ortasha eńbekaqy 70 myń teńge shamasynda ǵana bolǵandyqtan qyzmetkerler turaqtamaıdy eken.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT