+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aýyl turǵyndarynyń tabysyn arttyrýda qandaı máseleler týyndady – Berdibek Saparbaev

2021 jylǵy 3 tamyz 12:13
Bólisińiz:
Aýyl turǵyndarynyń tabysyn arttyrýda qandaı máseleler týyndady – Berdibek Saparbaev

NUR-SULTAN. QazAqparat – Jambyl oblysynyń ákimi Berdibek Saparbaev aýyl turǵyndarynyń tabysyn arttyrý jobasynda qandaı máseleler týyndaǵanyn aıtyp berdi, dep habarlaıdy QazAqparat tilshisi.

Uqsas jańalyqtar
Qaraǵandy oblysynyń úsh eldi mekeni Qazaqstannyń «30 úzdik aýyly» qataryna endi «Aýyl - el besigi»: Alǵashqy nátıjeler, aldaǵy josparlar men mindetter Úkimet basshysy «Aýyl - el besigi» jobasyn júzege asyrý boıynsha naqty tapsyrmalar berdi

Elbasynyń tapsyrmasymen 2019 jyly Jambyl oblysynda aýyl turǵyndarynyń tabysyn arttyrý úshin pılottyq joba bastalǵan edi.

«Aýyl turǵyndarynyń tabysyn arttyrý jobasy 5 baǵytta júzege asty: birinshi baǵyt – úı irgesindegi jerlerdi paıdalaný, ekinshi – mal basyn kóbeıtý, úshinshi – aýyl syrtyndaǵy jerlerdi paıdalaný, tórtinshi – tehnıka berý, besinshi – kásip ashýǵa qoldaý kórsetý. Sonyń nátıjesinde 11 aýyldyń ózinde 45 myńnan astam mal satyp alyndy, 10 myń gektardan astam jer biriktirilip, kooperatıv quryldy, 190 tehnıka alynyp, óńdeý, jylyjaılar sekildi 11 kásip ashyldy. Osy joba nátıjesinde 2 282 kásipker resmı tirkeldi, 589 jańa jumys orny ashyldy. Osy bes jylda bizdiń jobamyz boıynsha ekonomıkalyq tıimdilik eń kemi 14,5 mlrd teńgeni quramaq», - dedi óńir basshysy Úkimet otyrysynda.

Sonymen birge, atalǵan jobany júzege asyrýda birqatar máseleler de týyndaǵan.

«Eń birinshi másele – aýyl sharýashylyǵy ónimderin satý. Memleket basshysynyń tapsyrmasymen «Alqaptan sórege deıin» jobasy júzege asýda. Ol jobanyń maqsaty – alypsatarlardy, ıaǵnı deldaldardy joıý. Biz 4 iri saýda ortalyǵyn anyqtadyq, olarǵa 11 saýda qojalyǵyn bekittik. Olar deldalsyz baǵany 15-20 paıyzǵa tómendetip, azyq-túlik satady. Oǵan qosymsha ÁKK kómegimen 28 áleýmettik dúken ashtyq, 15-i oblys ortalyǵynda, qalǵany aýdandarda ornalasqan. Onda eń aldymen azyq-túlikterdi az qamtylǵan jáne kópbalaly otbasylarǵa taratamyz. Sonyń nátıjesinde 6 aıdyń qorytyndysy boıynsha respýblıkada azyq-túlik baǵasy eń tómen óńirge aınaldyq», - deıdi B, Saparbaev.

Ákimniń aıtýynsha, taǵy bir ózekti taqyryp – jaıylym máselesi bolyp otyr.

«Bizde 8,6 mln gektar jaıylym bar, bir jylda onyń bárine revızııa jasadyq, úı irgesinde, aýyl syrtynda, orman qoryndaǵy jaıylymdy esepke aldyq. Nátıjesinde 256 myń gektar jaıylym qaıtaryldy, bul jumystardy áli de jalǵastyramyz. Jalpy bizde bir malǵa eseptegende 9 gektar jaıylym bar. Ol ábden jetkilikti, tek tıimdi paıdalaný kerek. Orman qorynyń jerin paıdalansaq, maldy jem-shóppen qamtamasyz etýde esh másele bolmaıdy», - deıdi óńir ákimi.

Sóz sońynda B, Saparbaev pılottyq jobany ózge de aýyldarda jalǵastyrýdy usyndy.

«Bizde qalǵan aýyldyq okrýgterde 118 myńnan astam aýla bar, 634 myń turǵyn bar. Bizdiń endigi usynymyz – osy tájirıbege súıene kele, 5 baǵytta damytýdy jalǵastyrý. Bul jumyssyzdar sanyn azaıtady, ózin-ózi qamtyǵandardy kóbeıtedi, eńbek ónimdiligi bolady. Olar kásipker bolyp tirkeledi, AÁK alatyndar sany azaıady. Eń kemi 7,5 myń jańa jumys orny ashylady. Aýyl turǵyndary birinshi óz múmkindikterin tolyq paıdalanady, óz otbasyn asyraıdy jáne qalǵan ónimdi satyp, qosymsha paıda tabady», - dep túsindirdi Berdibek Sapabaev.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT