+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Mektep formasy aldaǵy oqý jylynda mindetti bola ma - mınıstr túsindirdi

2021 jylǵy 3 tamyz 12:05
Bólisińiz:
Mektep formasy aldaǵy oqý jylynda mindetti bola ma - mınıstr túsindirdi

NUR-SULTAN. QazAqparat - Bilim jáne ǵylym mınıstri Ashat Aımaǵambetov jańa oqý jylynda balalardyń mektepke qandaı kıimmen bara alatynyn aıtty, dep habarlaıdy QazAqparat.

Uqsas jańalyqtar

«Jańa oqý jylynyń bastalýy qarsańynda mektep formasy týraly másele ózekti bolady. Pandemııaǵa deıin mektep formasyn kııý mindetti boldy. Biraq ótken jyly barlyq jaǵdaılardy eskere otyryp, biz oqýshylarǵa mektepke tek mektep formasynda ǵana emes, sonymen qatar klassıkalyq stıldegi kıimde de kelýge múmkindik beretin sheshim qabyldadyq.

Mektep formasy aldaǵy oqý jylynda mindetti bola ma? Men ózim ata-ana retinde de, Bilim jáne ǵylym mınıstri retinde de mektep formasyn kııýdi qoldaımyn.

Conymen qatar, pedagogter mektep formasy balalardy bir tártippen tárbıeleýge úles qosatynyn, sol mektepke baratyn balalarmen birlikti sezinýge múmkindik beretinin jáne eń bastysy, oqýshylar arasyndaǵy áleýmettik aıyrmashylyqty azaıtýǵa kómektesetinin aıtady.

Ata-analardyń, muǵalimderdiń, mektep ákimshilikteriniń, bilim basqarmasy basshylarynyń pikirlerin tyńdap, kóbisi mektep formasyn jaqtaıdy degen qorytyndyǵa keldim.

Biraq mektep formasyn qoldaǵandar men qarsylyq bildirgenderdiń pikirlerin saralap, barlyq jaǵdaılardy eskere otyryp, biz oqýshylarǵa mektepke tek mektep formasynda ǵana emes, sonymen qatar klassıkalyq stıldegi kıimde de kelýge múmkindik beretin sheshimdi qabyldadyq» dep jazdy mınıstr Facebook paraqshasynda.

Onyń aıtýynsha, bul sheshim tek qana kelesi oqý jyly úshin qabyldandy.

«Mektep formasyn óndirýshilerdiń bul týraly basqa pikirde ekenin bilemin. Osyǵan baılanysty keıbir ata-analar men mektep formasyn óndirýshilerdiń pikirleri ártúrli bolatynyn bilemin. Bul sheshimdi qabyldaǵan kezde neni basshylyqqa alǵanymyzdy túsindireıin.

Birinshiden, epıdemıologııalyq jaǵdaıdy eskerdik. Qazir elimizdiń kóptegen aımaqtarynda karantındik shekteý sharalary kúsheıgen. Dúkender belgili bir ýaqytta, keıbir qalalarda jumys kúnderi ǵana isteıdi. Eger ata-analar balalarǵa mektep formasyn satyp alý úshin saýda ortalyqtary men dúkenderge jappaı baratyn bolsa, onda uzyn-sonar kezek bolyp, Covid-19 juqtyrý qaýpin týdyrýy múmkin ekenin bilemiz.

Ekinshiden, keıbir otbasylardaǵy ýaqytsha ekonomıkalyq qıyndyqtarǵa baılanysty mektep formasyn satyp alý otbasylyq bıýdjetke qosymsha júkteme bolýy múmkin. Sondyqtan, eger ata-analar túrli jaǵdaılarǵa baılanysty balaǵa mektep formasyn ala almasa, onda ýaqytsha, kelesi oqý jylyna deıin mektepke klassıkalyq stıldegi kıimmen barýǵa bolady.

Qorytyndylaı kele, mektep formasyna qatysty qandaı sheshim qabyldansa da, osy másele tóńireginde pikirler ártúrli bolatynyn túsinemin. Mektep formasyn jaqtaýshylar da, qarsy bolǵandar da óz pikirlerin aıtatyny belgili.

Biraq bul máselede biz úshin qalyptasqan jaǵdaıdy obektıvti baǵalaý jáne yqtımal táýekelderdi qarastyrý mańyzdy boldy» dep túıindedi sózin Bilim jáne ǵylym mınıstri.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT