+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Ashyq: KVI juqtyrǵan 10 myńnan astam adam qoǵamdyq orynǵa kirýge tyrysqan

2021 jylǵy 3 tamyz 10:01
Bólisińiz:
Ashyq: KVI juqtyrǵan 10 myńnan astam adam qoǵamdyq orynǵa kirýge tyrysqan

NUR-SULTAN. QazAqparat – Ashyq jobasy aıasynda karantın talaptaryn saqtamaǵan «qyzyl» jáne «sary» mártebedegi 16 663 adam anyqtaldy. Bul týraly QR Densaýlyq saqtaý mınıstri Alekseı Tsoı aıtyp berdi, dep habarlaıdy QazAqparat tilshisi.

«Ashyq jobasyna qosylý talaptaryn jeńildetý qatysýshylar sanynyń 3 ese artýyna yqpal etti. Osylaısha, 27 shildeden 3 tamyzǵa deıin 21 900 qatysýshydan 67 782 qatysýshyǵa deıin ósim baıqaldy», - dedi mınıstr Úkimettiń búgingi otyrysynda.

Onyń aıtýynsha, «Ashyq» jobasy aıasynda monıtorıng toptary 50 myńnan astam nysandy tekserdi jáne 642 nysannan zańbuzýshylyq anyqtady.

«Tsıfrlyq damý, ınnovatsııalar jáne aeroǵarysh mınıstrliginiń derekterine sáıkes, 10 shildeden beri 16 663 ereje buzýshy anyqtaldy, onyń ishinde 10 305 kelýshi «qyzyl» mártebemen, 6 358 adam – «sary» mártebemen kópshilik jınalatyn oryndarǵa kirgisi kelgen. Osylaısha, 16 myńnan astam nysanda halyqtyń KVI juqtyrýyna jol berilmedi», - deıdi A. Tsoı.

Aıta keteıik, epıdemıologııalyq ahýaldy baǵalaý matrıtsasyna sáıkes Qazaqstan Respýblıkasy 26 maýsymnan beri qyzyl aımaqta tur. Túrkistan oblysynan basqa óńirler túgel «qyzyl» aımaqta.

3 tamyzdaǵy jaǵdaı boıynsha, respýblıkadaǵy ınfektsııalyq tósek-orynnyń 56 paıyzynda, reanımatsııalyq tósek-orynnyń 44 paıyzynda naýqastar jatyr.

Sonymen birge, elimizde vaktsına salynýy tıis halyqtyń 55 paıyzy ekpe aldy.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT