+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Qaraǵandynyń jylý ortalyqtary jylytý maýsymyna qalaı daıyndalyp jatyr

2021 jylǵy 3 tamyz 08:50
Bólisińiz:
Qaraǵandynyń jylý ortalyqtary jylytý maýsymyna qalaı daıyndalyp jatyr

QARAǴANDY. QazAqparat – Qaraǵandyda JEO-1 jáne JEO-3-te qysqa belsendi daıyndyq júrip jatyr. 26 negizgi jabdyqty jóndeý josparlanǵan. Jóndeý baǵdarlamasyna qosalqy jabdyqtar da kirdi. Sýdy jylytýǵa arnalǵan qazandyqtardy aýqymdy tazalaý, munaraly gradırnıany jóndeý júrgiziledi, dep habarlaıdy QazAqparat tilshisi.

Jóndeý naýqany kóktemde bastaldy. Jumysty qyrkúıek aıynyń sońyna deıin aıaqtaý josparlanyp otyr.

«Karaganda Energotsentr» JShS aqparaty boıynsha, eki JEO-da aldaǵy jylytý maýsymyna daıyndyq baǵdarlamasyna 13 qazandyq agregatyn, 10 týrbınany jáne úsh sý jylytý qazandyǵyn kúrdeli, keńeıtilgen-aǵymdaǵy jáne aǵymdaǵy jóndeý kirdi.

Qazandyq pen týrbınany kúrdeli jóndeý, alty qazandyq agregaty men alty týrbınany aǵymdaǵy jóndeý jumystary júrgizildi.

Qazirgi ýaqytta eki qazandyq agregaty men eki týrbınany kúrdeli jóndeý, bes qazandyq agregaty men bir týrbınany aǵymdaǵy jóndeý júrgizilýde.

Kompanııa jylýmen jabdyqtaýdy jaqsartýǵa múmkindik beretin qosalqy jabdyqtardaǵy jumystar týraly aıtty.

JEO-3 jelilik sý jylytqyshtary men eń joǵary qazandyqtardy tazalaıdy. Barlyǵy 23 jylý jabdyǵy tazartylady.

«Stantsııada barlyǵy 12 negizgi jelilik sý jylytqyshy ornatylǵan, ár týrbınada ekeýden. Onyń árqaısysynda jylytý maýsymyna daıyndyq kezinde qajetti jóndeý jumystary júrgizilip, jýylady. Jylytqyshtyń ishinde qubyr baılamy bolady. Bul - bes myńǵa jýyq tútik», – dep túsindirdi kompanııa.

Túzilgen qaqty tazartý joǵary qysymmen júzege asyrylady.

JEO-3-te 11 boıler tazalanady, onyń árqaısysy 1 928 tútikten turady. Úsh qazandyqta jez tútikterdi tolyǵymen aýystyrý qarastyrylǵan.

Taǵy bir mańyzdy shara – tikeleı JEO-3 aýmaǵynda bólý shekarasyna deıin ótetin berý qubyryndaǵy oqshaýlaýdy tolyq aýystyrý. Onyń uzyndyǵy – 1 422 metr.

Bul jumystardy oryndaý jelige beriletin jylý temperatýrasyn 5 gradýstan astam kóterýge múmkindik beredi.

JEO-3-te bıiktigi 70 metrden asatyn munara gradırnıasyn jóndeý aıaqtalýda.

Munda sýarǵyshtar aýystyrylyp, qaptama qalpyna keltiredi. Bul tsırkýlıatsııalyq sýdy salqyndatý sapasyn jaqsartady.

Nátıjesinde stantsııa jazǵy kezeńde elektr energııasyn óndirýdi arttyrady.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT