+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

«Qazaqstan sheteldik BAQ kózimen»: 36 eldiń tilshileri qatysqan baıqaý qorytyndylandy

2021 jylǵy 2 tamyz 19:58
Bólisińiz:
«Qazaqstan sheteldik BAQ kózimen»: 36 eldiń tilshileri qatysqan baıqaý qorytyndylandy

NUR-SULTAN. QazAqparat – Búgin QR Syrtqy ister mınıstrligi jáne Bas redaktorlar klýby elimiz Táýelsizdiginiń 30 jyldyǵyna arnalǵan «Qazaqstan sheteldik BAQ kózimen» VI halyqaralyq baıqaýynyń bes jeńimpazyn anyqtady, dep habarlaıdy QazAqparat.

Uqsas jańalyqtar
Prezıdenttiń arnaýly ókili Matteo Mekachchımen kezdesti Óskemende Slovakııa Respýblıkasynyń konsýldyǵy ashyldy Qazaqstan 8-shi «Qytaı – Ortalyq Azııa» yntymaqtastyq forýmyna qatysty

Uıymdastyrýshy komıtettiń qaraýyna 36 memlekettegi avtorlardan 60 ótinim kelip tústi.

SІM málimetinshe, baıqaýǵa qatysýshylardyń jumystary ekonomıka, saıasat, halyqaralyq qatynastar, mádenıet, týrızm, densaýlyq saqtaý, sport, qarýsyzdaný, jańǵyrmaly energııa, Uly Abaı jáne ál-Farabı muralary sııaqty Qazaqstanǵa qatysty keń aýqymdy taqyryptarǵa arnaldy. Materıalar gazetterde, jýrnaldarda, onlaın BAQ-tarda, telearnalarda, podkastar men ózge de tanymal blog-platformalarda jarııalanǵan.

Jalpy alǵanda, uıymdastyrýshylardyń pikirinshe, baıqaýǵa sheteldik jýrnalısterdiń belsendi qatysýy sheteldik BAQ-tyń Qazaqstanǵa degen qyzyǵýshylyǵynyń joǵary ekendigin aıǵaqtaıdy.

Kelip túsken ótinimderdi qaraý nátıjesinde ádilqazylar alqasy kelesi jeńimpazdardy anyqtady:

- TMD jáne Baltyq elderinen úmitkerlerdiń arasynda jýrnalıst Nıkolaı Jýkovtyń (Lıtva) «Kauno Diena» gazetinde jarııalanǵan «Qazaqstan bir jyl ishinde bıliktiń evolıýtsııalyq sabaqtastyǵynyń ózindik úlgisin kórsetti» atty maqalasy úzdik dep tańdaldy.

- Tsolmon Bat-Erdeneniń (Monǵolııa) «MNB Mongolian National Broadcaster» telearnasynda jaryq kórgen «37 shaqyrymdaǵy 37 jyldyq jospary bar kórshi» atty beınematerıaly men maqalasy Azııa jáne Tynyq muhıt aımaǵynyń elderinen kelip túsken ótinimderdiń ishinde úzdik dep tanyldy.

- Pákistandyq avtor Mehmýd Ýl Hassan Hannyń «Islamabad Post» jáne «DNA News» basylymdarynda jaryq kórgen Qazaqstandaǵy saıası jáne ekonomıkalyq reformalardyń ózekti máselelerine jáne Abaı Qunanbaıulynyń rýhanı murasyna arnalǵan maqalalary Taıaý Shyǵys jáne Afrıka óńirinen kelip túsken úzdik materıal bolyp tanyldy.

- Ońtústik jáne Soltústik Amerıkadan kelip túsken usynystar arasynan úzdik materıal retinde «Kanadanyń birikken qaýymdastyqtary» ÚEU men telejýrnalıst Inga Kerneı-Kelner birlese daıyndaǵan «Qazaqstan kanadalyqtar kózimen» atty beınematerıal irikteldi.

Buǵan deıin atalyp ótkendeı, baıqaý jeńimpazdary Qazaqstanǵa saparmen kelý múmkindigine ıe bolady. Sapar aıasynda olar Nur-Sultan, Almaty jáne Túrkistan qalalaryna, «Býrabaı» demalys aımaǵyna baryp, elimizdiń tabıǵı jáne mádenı nysandaryn aralaıdy, belgili jýrnalıster, dıplomattar jáne qoǵam qaıratkerlerimen kezdese alady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT