+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Túrkistan oblysynda polıtseıler barlyq toıhana aldyn kúzetetin boldy

2021 jylǵy 2 tamyz 19:05
Bólisińiz:
Túrkistan oblysynda polıtseıler barlyq toıhana aldyn kúzetetin boldy

TÚRKІSTAN. QazAqparat - Túrkistan oblysynyń aýmaǵynda ornalasqan 500-den astam toıhananyń barlyǵyn polıtsııa qyzmetkerleri kúzetetin bolady. Oblys ákimi Ómirzaq Shókeev óńirdiń tártip saqshylaryna osyndaı tapsyrma berdi, dep habarlaıdy QazAqparat tilshisi.

Uqsas jańalyqtar
Kókshetaýda koronavırýspen aýyrǵandardyń 99 paıyzy vaktsına almaǵandar Koronavırýs: Latvııada karantın talabyn buzǵandar 5 myń eýro tóleıdi Asqar Mamın: Qazirgi mindet – 60 paıyz ujymdyq ımmýnıtet qalyptastyrý

Aımaq basshysynyń tóraǵalyǵymen ótken aptalyq otyrysta vaktsınalaý barysyn baqylaý jáne mobıldi toptardyń jumysyn kúsheıtý máseleleri sóz boldy. Oblysta jyl basynan beri 600-ge tarta toı anyqtalyp, toqtatylǵan.

«Ár toıhananyń aldyna bir-bir polıtsııa qyzmetkerin qoıý kerek. Bul da aýrýdyń taralýyna jol bermeýdiń tıimdi tásili bolatyn shyǵar. Kúrestiń osy jolyn da kórý kerek. Koronavırýstyń taralýyna jol bermeý úshin jan-jaqtan kúres kúsheıtilsin», - dedi oblys ákimi.

Óńirde sondaı-aq, karantın talaptarynyń saqtalýyn baqylaý boıynsha mobıldi toptardyń monıtorıng jumystary kúsheıtilmek. Osyndaı júıeli jumystardyń nátıjesinde sońǵy aptada tyıym salynǵan 115 otbasylyq, merekelik is-shara anyqtalǵan. Máselen, sońǵy aptada tirkelgen myńǵa jýyq jaǵdaıdyń kópshiligin belsendi jastaǵylar (20-49) quraǵan.

Pandemııa bastalǵaly koronavırýs juqtyrǵandardyń 30% astamy qarym-qatynasta bolǵandar, 60% jýyǵy JRVI/pnevmonııa dıagnozymen jáne statsıonarlarǵa josparly/shuǵyl jatqyzylǵandar sanalady. Sonymen qatar, memlekettik shekaradan ótkender jáne iri kásiporyn jumysshylary, vahtashylar bar.

Otyrys barysynda oblysta koronavırýsqa qarsy vaktsınatsııa qarqyny joǵary deńgeıde ekeni de aıtyldy. Búgingi tanda, barlyq 141 egý pýnktinde koronavırýs ınfektsııasyna qarsy vaktsınatsııa júrgizilýde. Olar 109 dana termokonteınermen qamtamasyz etilgen. 80 kóshpeli egý brıgadasy jumys isteýde.

Óńirge vaktsınanyń 610 myńǵa jýyq dozasy jetkizilgen. І komponentpen 583 myńǵa jýyq adam nemese óńir turǵyndarynyń 95%, ІІ komponentpen – 404 myńǵa jýyq adam nemese 77% egilgen.

Jyl basynan beri oblys boıynsha jasaqtalǵan 127 mobıldi toppen 190 myńnan astam nysan tekserildi. 3,5 myńǵa jýyq hattama toltyrylyp, aıyppul salynǵan.

Aıta keteıik, qajet bolǵan jaǵdaıda óńirde ınfektsııalyq tósek-oryn sanyn 6 myńǵa deıin jetkizýge múmkindik bar.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT