+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Almatyda quqyqtyq máseleler boıynsha turǵyndarǵa tegin keńes beriledi

2021 jylǵy 2 tamyz 22:36
Bólisińiz:
Almatyda quqyqtyq máseleler boıynsha turǵyndarǵa tegin keńes beriledi

ALMATY. QazAqparat - 2 tamyzda Almatyda «Quqyqtyq mádenıet» saýat aılyǵy bastaldy, dep habarlaıdy QazAqparat.

Ony qala ákimdiginiń qoǵamdyq damý basqarmasynyń «Rýhanı Jańǵyrý» jobalyq keńsesi uıymdastyrdy. Kez kelgen adam keńes ala alady, al qabyldaýdy kásibı medıatorlar men tájirıbeli zańgerler júrgizedi.

Іs-sharanyń uıymdastyrýshy-úılestirýshisi Sabına Sáken Almaty qalasynyń óńirlik kommýnıkatsııalar qyzmetiniń brıfınginde aılyqty ótkizýdiń máni men tártibi týraly aıtty.

«Konsýltatsııalar tek tegin bolady jáne onlaın jáne oflaın rejımde ótedi. «Quqyqtyq mádenıet» aılyǵynyń basty maqsaty – halyqtyń quqyqtyq bilimi men mádenıetiniń deńgeıin arttyrý, sonymen qatar azamattardyń quqyqtyq minez-qulyq daǵdylaryn damytý», - dep túsindirdi S. Sáken.

Quqyqtyq konsýltatsııalar Almatynyń barlyq segiz aýdanynda 2 qyrkúıekke deıin tıisti sanıtarlyq normalardy saqtaı otyryp ótedi.

Máselen, Alataý aýdanynda oflaın konsýltatsııa 2-5 tamyz aralyǵynda Nurkent shaǵyn aýdany, Atletıkalyq aýyl turǵyn úı kesheni, 5/111 meken-jaıy boıynsha ótedi.

Almaly aýdanynda 6-9 tamyz aralyǵynda kóp balaly otbasylarǵa qyzmet kórsetý «Baqytty otbasy» ortalyǵynda.

10-13 tamyz aralyǵynda olar Áýezov aýdanynda Grand Park saýda oıyn-saýyq ortalyǵynda keńes alady.

14-16 tamyz aralyǵynda Bostandyq aýdanynyń turǵyndary jergilikti halyqqa qyzmet kórsetý ortalyǵynda advokattarmen kezdese alady.

Jetisý aýdanynda 18-21 tamyz aralyǵynda jastar resýrstyq ortalyǵynda konsýltatsııalar ótedi.

22-25 tamyz aralyǵynda, sondaı -aq 30 tamyz ben 2 qyrkúıek aralyǵynda Medeý aýdanynyń halyqqa qyzmet kórsetý ortalyǵynda advokattar men medıatorlar kezekshi bolady.

26-29 tamyz aralyǵynda Naýryzbaı aýdanynyń turǵyndary ákimdiktiń májilis zalynda keńes ala alady.

Sonymen qatar, joba aıasynda úzdik zańgerler, kásibı medıatorlar, zańgerler men úkimettik emes uıymdardyń ókilderiniń qatysýymen onlaın-semınarlar men konferentsııalar ótedi.


Bizdiń kanalymyzǵa jazylyńyz:

#Almaty   #Zań  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT