+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Búgin kúshine engen jańa qaýly qandaı shekteýler engizdi

2021 jylǵy 2 tamyz 10:02
Bólisińiz:
Búgin kúshine engen jańa qaýly qandaı shekteýler engizdi

NUR-SULTAN. QazAqparat – Búgin QR bas sanıtar dárigeriniń jańa qaýlysy kúshine endi, dep habarlaıdy QazAqparat tilshisi.

Uqsas jańalyqtar
Pfizer vaktsınasy 5-11 jas aralyǵyndaǵy balalarǵa 90% tıimdi Koronavırýs: Aqtóbede karantın jeńildedi Belarýsta koronavırýstyń jańa shtamy tirkeldi

Búginnen bastap eldegi epıdeıologııalyq ahýaldy turaqtandyryp, bıznestiń kedergisiz jumys isteýine baǵyttalǵan jańa qaýly kúshine endi. Jańa qujattyń mátininde eńbek ujymyn vaktsınalaýdy qamtamasyz etip úlgermegen kásiporyndardyń jumysyn retteıtin shekteýler de bar. Ekinshi jaǵynan qujatta Ashyq jobasyna qatyspaıtyn, biraq jumysy kelýshilerdiń kóp shoǵyrlanýyn talap etpeıtin uıymdardyń jumysyna ruqsat berilip otyr.

Ázirge bas sanıtardyń jańa qaýlysy Nur-Sultan, Almaty, Shymkent, Atyraý jáne Qaraǵandy qalalarynda kúshine endi.

Atalǵan qalalarda:

ortalyq memlekettik organdar men, ákimdikterden, quqyq qorǵaý organdary men densaýlyq saqtaý uıymdarynan, BAQ pen azyq-túlik dúkenderinen, dárihanalar men tirshilikti qamtamasyz etý uıymdarynan basqa Ashyq jobasyna qatyspaıtyn barlyq kásiporyndar men uıymdardyń qyzmeti toqtatyldy:

oıyn-saýyq, sport, otbasylyq, eske alý jáne ózge de buqaralyq is-sharalardy ótkizýge bolmaıdy;

memlekettik organdar, keńseler, ulttyq kompanııalar men ózge de uıymdar vaktsına alǵan jáne sońǵy úsh aı ishinde aýyryp jazylǵan adamdardan basqa qyzmetkerleriniń 80 paıyzyn qashyqtan jumys isteýge aýystyrý mindetteldi.

Ashyq jobasyna qatyspaı-aq jumys isteýge ruqsat berilgen nysandrdyń sanaty mynadaı:

- qurylys jumystary;

- ónerkásiptik kásiporyndar; - janaspaıtyn qyzmet kórsetý (kólik jýý, avtomobılderdi, turmystyq tehnıkany, saǵattardy, telefondardy, kompıýterlerdi, aıaq kıimdi jóndeý, tigin atelesi, kir jýý oryndary, hımııalyq tazalaý, kilt jasaý, turmystyq úı qaǵıdaty boıynsha qyzmet kórsetý jáne t.b.);

- gúl dúkenderi, fotosalondar;

- týrıstik kompanııalar, bıznes ortalyqtar, saqtandyrý kompanııalary, advokat, notarıýs, býhgalter jáne konsaltıng qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary, aıyrbastaý pýnktteri, lombardtar, bankter, «Qazposhta» AQ bólimsheleri jáne t.b.;

- qoǵamdyq tamaqtaný obektileriniń tek alyp shyǵýǵa jáne jetkizýge arnalǵan qyzmeti.

Al Ashyq jobasyna qatysýshy kásiporyndar men uıymdardyń qyzmet ýaqyty jumys kúnderi 20.00-ge deıin, «Ashyq kóshbasshylaryna» saǵat 22.00-deıin ruqsat berilip otyr. Atalǵan uıymdar qaýlynyń bul talabyn 9 tamyzǵa deıin paıdalana alady.

9 tamyzdan bastap tártipke saı jumys istegen úshin «Ashyq kóshbasshysy» atanǵan kásiporyndardyń myna sanattary saǵat 00.00-ge deıin jumys isteý múmkindigine ıe bolmaq:

- saýda-oıyn-saýyq oryndary, saýda úıleri, saýda jelileri;

- qoǵamdyq tamaqtaný obektileri (onyń ishinde jazǵy alańdar), fýd-korttar; fıtnes ortalyqtar, fıtnes klýbtar, ıoga ortalyqtary, sport-saýyqtyrý obektileri, saýnalar, spa-ortalyqtar, sport obektileri, basseınder;

- sulýlyq salondary, shashtaraz, barbershop, kosmetıka jáne kosmetologııa qyzmetin usynatyn ortalyqtar men salondar;

- karaoke, bılıard, boýlıng, kompıýter klýbtary; kınoteatrlar.

Al kelýshilerdi Ashyq qosymshasy arqyly kirgizýge nemquraıdy qarap, 0 - den 20 - ǵa deıin ǵana chekın jasaǵan kásiporyndar 1 aptaǵa jobadan shettetiledi. Bul olqylyq qaılanasa, eki aptaǵa, odan jónge kelmese 1 aıǵa deıin Ashyq qosymshasynyń artyqshylyǵyn paıdalana almaıdy.

Jańa qaýly atalǵan bes qalamen irgeles jatqan óńirlerdiń birneshe aýdanyna da engizilip otyr. Osylaısha, Nur-sultan qalasyna jaqyn Býrabaı, Tselınograd, Arshaly aýdandary, Almatyǵa jaqyn jatqan Qarasaı, Talǵar, Іle, Eńbekshiqazaq aýdandary, Shymkentpen irgeles Saıram, Tóle bı aýdandary, Qaraǵandy qalasyna jaqyn ornalasqan Temirtaý, Shahtınsk, Abaı qalalarynda joǵaryda atalǵan karantın talaptary saqtalady.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT