+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Aqtaýdaǵy Rixos Water World qonaq úıinde apta saıyn ótetin kontsertterge tyıym salyndy

2021 jylǵy 30 shilde 20:45
Bólisińiz:
Aqtaýdaǵy Rixos Water World qonaq úıinde apta saıyn ótetin kontsertterge tyıym salyndy

AQTAÝ. QazAqparat - Rixos Water World Aktau kópfýnktsıonaldy týrıstik-qonaq úı kesheninde barlyq kontserttik shara toqtatyldy, dep habarlaıdy QazAqparat tilshisi.

Uqsas jańalyqtar

Bul týraly Mańǵystaý oblysy ákiminiń orynbasary Gúlmıra Qalmuratovanyń tóraǵalyǵymen ótken koronavırýstyń taralýynyń aldyn alý jónindegi aımaqtyq shtabtyń otyrysynda aıtyldy.

Eki kúnge sozylǵan jıynǵa prokýratýra, polıtsııa departamenti, «Atameken» kásipkerler palatasynyń ókilderi men oblystyq máslıhattyń depýtattary jáne kásipkerler qatysty.

Jıyn barysynda jedel shtabtyń músheleri óńirdegi epıdemıologııalyq ahýaldyń nasharlaýyna baılanysty birqatar shekteý sharasyn engizdi.

«Saǵat 20:00 -den keıin Rixos Water World kesheniniń aýmaǵynda eshqandaı shara ótpeýi tıis. Barlyq qyzmet jeke bólmelerde kórsetilýi qajet. Keshen aýmaǵyndaǵy kontsert pen oıyn -saýyq sharalaryn toqtatasyzdar. Keshen aýmaǵyna monıtorıng top baqylaý júrgizedi. Epıdemıologııalyq jaǵdaıdyń nasharlaýyna baılanysty sanıtarııalyq dárigerdiń barlyq talaby oryndalýy qajet. «ASHYQ» jobasy aıasynda jumys istep jatqan kásirkerlik nysandar zań aıasynda, karantın talaptaryn saqtaı otyryp jumysyn jalǵastyrady. Alaıda adam kóp shoǵyrlanatyn oryndarda jıyn, kontsert ótkizýge qatań tyıym salynady. Mundaı sharalar óńirdegi epıdemıologııalyq ahýaldyń nasharlaýyna baılanysty qolǵa alynyp otyr. Biz úshin eń bastysy - turǵyndardyń densaýlyǵy, halyqtyń amandyǵy. Sondyqtan el basyna qıyndyq túsken ýaqytta el úshin birigip jumys isteıtin ýaqyt jetti»,- dedi Gúlmıra Qalmuratova.

«Rixos Water World Aktau» kesheniniń bas menedjeri Serik Isaǵalıevtiń aıtýynsha, keshen ASHYQ jobasynyń aıasynda jumys istep tur.

«Biz «Ashyq» jobasy boıynsha jumys istep jatyrmyz. Qaýlyǵa sáıkes, qonaq úıdi 50% -ǵa deıin ǵana toltyramyz. Aıta keteıik, qonaqtardyń 90 paıyzy Nur-Sultan men Almaty qalalarynan kelgender. Bizdiń qyzmetkerler ekpeni belsendi túrde alyp jatyr. Kúnine 5-10 adam vaktsına alady. Tamyz aıynan bastap kelýshilerden PTR testin talap etemiz. Epıdemıologııalyq ahýal qalpyna kelgenshe qonaqúı aýmaǵyndaǵy kontsertterdi toqtatýǵa jumystanamyz», - dedi Serik Isaǵalıev.

Óz kezeginde Gúlmıra Qalmuratova monıtorıng toptarynyń sanyn kóbeıtip, olardyń jumysyn kúsheıtý maqsatynda quramyn ózgertýdi tapsyrdy.

Oblys ákimi orynbasary olardyń quramyna depýtattardy, erikti jastardy qosýdy tapsyrdy.

Nátıjesinde Aqtaýdaǵy karantın talaptarynyń saqtalýyn qatań baqylaıtyn monıtorıng toptarynyń sany 12-ge deıin kóbeıtildi.

Budan bólek, Jańaózen qalasy men aýdandardaǵy toptardyń sanyn ulǵaıtý júkteldi.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT