+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Aýyr atletıkadaǵy dopıng daýy Tokıo Olımpıadasyna áser etti me

2021 jylǵy 30 shilde 19:38
Bólisińiz:
Aýyr atletıkadaǵy dopıng daýy Tokıo Olımpıadasyna áser etti me

NUR-SULTAN. QazAqparat – Elimizdiń aýyr atletıka salasyndaǵy dopıng daýy Tokıo Olımpıdasynyń nátıjesine áser etti me? Bul suraqqa aýyr atletıkadan QR Memlekettik jattyqtyrýshysy Meńdihan Tápsiruly jaýap berdi, dep habarlaıdy QazAqparat tilshisi.

Uqsas jańalyqtar
ShQO-da Ilıa Ilın atyndaǵy aýyr atletıka mektebin ashý josparlanyp otyr QR sportshylary Beıjiń Olımpıadasynyń lıtsenzııasy úshin 50-ge jýyq týrnırge qatysady

«Bizdiń aýyr atletter tóńiregindegi dopıng daýy Olımpıada nátıjesine áser etti dep aıta almaımyn. Osydan birneshe jyl burynǵy máseleni qozǵaý ádiletsiz bolyp, senimdi joǵaltar edi. Onyń ústine sońǵy jyldary bizdiń ziltemirshiler dopıng erejesin buzǵan emes. Jalpy Rıo Olımpıadasynan keıin elimizdiń Aýyr atletıka federatsııasy dopıngpen kúreste aıtýly jumys atqaryp keledi. ıAǵnı, sportshylarǵa dopıng tyıymy salynyp, qatań baqylaýǵa alyndy. Sondyqtan da 2016 jyldan beri dopıng faktisi tirkelgen emes jáne sportshylarymyz erejeni buzdy dep oılamaımyn», - dedi Meńdihan Tápsiruly OKQ-de onlaın ótken baspasóz máslıhatynda.

Sonymen qatar, memlekettik jattyqtyrýshy el namysyn qorǵaý maqsatynda shetelden legıoner shaqyrýǵa qatysty pikir bildirdi.

«Jasyratyny joq, buryn syrttan sportshylar shaqyrdyq. Atap aıtqanda, Reseı, Ázerbaıjan elinen orta jáne jeńil salmaqta sheteldik ziltemirshiler Qazaqstan namysyn qorǵaǵan bolatyn. Qazir óz atletterimiz jetkilikti. Shetelden sportshy shaqyrý maqsatymyz joq», - deıdi ol.

Buǵan deıin elimizdiń Aýyr atletıka federatsııasynyń atqarýshy dırektory Aldııar Nuralınov el aýmaǵynda aýyr atletıka jarystarynda dopıngpen ustalyp jatqan sportshylardyń baryn aıtqan edi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT