+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

SQO-da 500 adam jumyssyz qalýy múmkin

2021 jylǵy 30 shilde 18:19
Bólisińiz:
SQO-da 500 adam jumyssyz qalýy múmkin

PETROPAVL. QazAqparat - Soltústik Qazaqstan oblsyndaǵy Obýhov taý-ken baıytý kombınatynda eńbek etip júrgen 500 adam jumyssyz qalýy múmkin, dep habarlaıdy QazAqparat.

Birneshe kúnnen beri kásiporyndaǵy jumys toqtap tur. Jergilikti polıtsııa qyzmeti atalǵan kompanııa kólikteriniń júk tasymaldaýyna tyıym salǵan.

Aıta keterligi, Obýhov – álemdegi biregeı ken orny sanalady. Mundaı qazba baılyqtary esh jerden tabylǵan emes. Tıtan- tsırkonıı óndiriledi. Shıkizat negizien eksportqa shyǵarylady.

Ken orny qyzmeti qaıta toqtady. Sebebi, shıkizatty kásiporyn aýmaǵynan shyǵarǵan boıda tárkilenedi.

80 tonna tsırkonıı kontsentraty salynǵan qaptar temirjol arqyly Reseı men Qytaıǵa eksporttalýy tıis edi. 17 mln teńgeniń taýary polıtsııa bólimshesi ǵımaratynyń syrtynda tur. Eki kún buryn júk zattaı aıǵaq retinde tárkilegen.

«3 maýsymnan beri kún saıyn bizdiń júk tasymaldaıtyn kólikter toqtatylady. Sebebi túsindirilip jatqan joq. Aldyńǵy kúni túnde polıtsııa kontsentratty alyp qoıdy. Biz «Tıolaınnyń» emes, ózimizdiń múlikti shyǵaryp jatyrmyz. Onyń barlyǵyn dáleldeıtin qujattar bar. Bizge jumys isteýge mursha berse eken», - deıdi «Obhovskıı GOK» seriktestiginiń dırektory Danıl Dolgalev.

Júrgizýshiler múliktiń «Tıolaın-ǵa» emes, «Obýhovskıı GOK» seriktestigine tıesili ekenin rastaıtyn qujattaryn kórsetsek te nazarǵa almaıdy, zańsyz toqtatýdy doǵarmaı jatyr, deıdi.

Mamandar kontsentratty ashyq aspan astynda saqtaýǵa bolmaıdy, aýaǵa radıoaktıvti elementter taralady dep otyr.

Kellerovka aýylyna jınalǵan jurt polıtsııadan tárkilengen júkti qaıtaryp berýdi talap etti. Óıtkeni byltyr da osylaı 100 tonna kontsentrat tárkilengen. Biraq, keri qaıtarylmaǵan. Kombınattaǵy jaǵdaı jýyq arada túzelmese jarty myń jumysshy osy aıda jalaqysyz qalýy múmkin.

«Obýhov taý-ken baıytý kombınaty» seriktestigi jalaqy kórsetkishi jóninen oblys boıynsha birinshi orynda tur. Alaıda 500 adam «kásiporyn jabylyp, jumyssyz qalamyz ba» dep alańdaýly.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT