+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Bolashaq» baǵdarlamasymen taǵylymdamadan ótetin canattar tizimi keńeıtildi

2021 jylǵy 30 shilde 16:03
Bólisińiz:
«Bolashaq» baǵdarlamasymen taǵylymdamadan ótetin canattar tizimi keńeıtildi

NUR-SULTAN. QazAqparat - Mádenıet jáne sport salasynyń qyzmetkerleri «Bolashaq» baǵdarlamasy boıynsha taǵylymdamadan óte alady, dep habarlaıdy QazAqparat Bilim jáne ǵylym mınıstrligine silteme jasap.

Uqsas jańalyqtar
Qazaqstandyq atlet gir kóterýden álem chempıony atandy Fýtbol: «Kaspıı» men «Aqjaıyq» teń oınady Qazaqstannan Serbııada ótetin Əlem chempıonatyna kimder barady

Mınıstrliktiń málimetinshe, «Bolashaq» baǵdarlamasy qazaqstandyqtardyń taǵylymdamasy úshin canattar tizimin keńeıtedi. Endi mádenıet jáne sport salasynyń qyzmetkerleri sheteldik jetekshi joǵary oqý oryndarynda (mysaly, New York Film Academy, University of the Arts London, Scuola Musicale di Milano jáne t.b.) taǵylymdamadan óte alady. Ártis, rejısser, sýretshi, ónertanýshylar bir jyl boıy «Art-menedjment», «Dızaın. Sýret», «Dırıjerleý», «Ónertaný», «Stsenografııa» jáne taǵy da basqa mamandyqtar boıynsha oqı alady. Dene shynyqtyrý jáne sport salasynyń mamandary «Sport psıhologııasy», «Sport medıtsınasy», «Sport quqyǵy» sııaqty baǵyttar boıynsha biliktilikterin arttyra alady.

«Buryn mádenıet jáne sport salasynyń qyzmetkerleri «Bolashaq» baǵdarlamasy boıynsha taǵylymdamadan ótpegen. Elimizde osy salalardyń damýyn qoldaý maqsatynda qajetti jumystar jasaldy. Endi mádenıet jáne sport mamandarynda álemniń bedeldi sheteldik joǵary oqý oryndary men uıymdarynda ózderiniń kásibı deńgeıin arttyrý múmkindigi bar. Krıterıılerge keletin bolsaq, úmitkerlerdiń keminde úsh jyl jalpy jumys ótili, onyń ishinde sońǵy 12 aı tańdaǵan mamandyǵy boıynsha jumys ótili bolýy tıis. Sondaı-aq qabyldaýshy sheteldik uıymnan shaqyrtýdyń, V1 deńgeıinen kem emes nátıjesi bar til boıynsha emtıhan tapsyrǵany týraly sertıfıkattyń bolýy mindetti», – dep atap ótti QR BǴM Halyqaralyq baǵdarlamalar ortalyǵy prezıdentiniń m.a. Danııar Muqıtanov.

Stıpendıattar taǵylymdamadan ótý úshin kepilge jyljymaıtyn múlik qoımaıdy. Mindettemelerdiń oryndalýyn qamtamasyz etý úshin sońǵy 12 aı ishinde turaqty tabysy bar 50 jasqa deıingi eki Qazaqstan azamatyn kepilger retinde usynsa jetkilikti.

2021 jyly densaýlyq saqtaý, mádenıet, sport salasynyń qyzmetkerleri, pedagogter, memlekettik qyzmetkerler, ınjener-tehnıkterdiń taǵylymdamadan ótýi úshin 110 «Bolashaq» stıpendııasy bólingen.

Esterińizge sala keteıik, halyqaralyq stıpendııany taǵaıyndaý konkýrsyna qatysý úshin qujattardy qabyldaý 4 mamyrda bastalyp, 28 qazanǵa deıin jalǵasady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT