+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Toqaev Qazaqstan Ulttyq paralımpıada qurama komandasynyń múshelerimen kezdesti

2021 jylǵy 29 shilde 20:48
Bólisińiz:
Toqaev Qazaqstan Ulttyq paralımpıada qurama komandasynyń múshelerimen kezdesti

NUR-SULTAN. QazAqparat - Qasym-Jomart Toqaev Qazaqstan Ulttyq paralımpıada qurama komandasynyń múshelerimen kezdesti, dep habarlady QazAqparat Aqordanyń baspasóz qyzmetine silteme jasap.

Uqsas jańalyqtar
24-25 qazanda Qasym-Jomart Toqaev Túrikmenstanǵa memlekettik saparmen barady Memleket basshysy: Kópulttylyq – bizdiń baǵymyz Assambleıaǵa patrıottyq uıym retinde qurmet kórsetýimiz kerek – Toqaev

Memleket basshysy XVI jazǵy Paralımpıada oıyndarynyń qarsańynda Ulttyq qurama komandasynyń múshelerimen kezdesti. Prezıdent sportshylardyń Táýelsiz Qazaqstan tarıhynda alǵash ret Paralımpıada oıyndaryna 25 joldama utyp, baıraqty básekege úlken qurammen attanyp bara jatqanyn atap ótti. Qasym-Jomart Toqaevtyń aıtýynsha, paralımpıadashylar – qajymas qaırat pen qaısarlyqtyń sımvoly.

– Álemdegi júz myńdaǵan sportshynyń arasynan úzdik shyǵyp, osy oıyndarǵa joldama alý ekiniń biriniń qolynan kele bermeıdi. Sizder buǵan tabandylyq pen kásibı daıyndyqtyń arqasynda qol jetkizýge bolatynyn dáleldedińizder. Demek, árbir para sportshymyzdy qazirdiń ózinde jeńimpaz deýge bolady. Ózderińizdi barsha otandasymyz maqtan tutady, – dedi Memleket basshysy.


Prezıdent elimizdegi para sport túrimen aınalysatyn azamattarǵa memleket tarapynan qoldaý jalǵasa beretinin aıtty.

– Búkil elimiz boıynsha 20 myńǵa jýyq azamat para sport túrimen júıeli túrde aınalysady. Sonyń ishinde 500 sportshy ulttyq qurama sapynda óner kórsetedi. Biz paralımpıadalyq sport túrlerin damytý úshin qajetti jaǵdaıdy jasaı beremiz. Qazir óńirlerde 16 arnaıy klýb pen mektep jumys isteıdi. Osy rette, Nur-Sultan qalasynda 2018 jyly ashylǵan Paralımpıadalyq jattyǵý ortalyǵyn erekshe atap ótken jón. Zaman talabyna saı jabdyqtalǵan mundaı ortalyq AQSh, Ulybrıtanııa, Japonııa, Ońtústik Koreıa elderimen qatar bizdiń elordamyzda da bar. Sport salasy barlyq azamatymyz úshin birdeı qoljetimdi bolýǵa tıis. Osy oraıda múmkindigi shekteýli azamattarǵa qolaıly orta qalyptastyrý memleket mindeti ekenin basa aıtqym keledi, – dedi Qasym-Jomart Toqaev.

Qazaqstan Ulttyq paralımpıada quramasy osyǵan deıin bul oıyndardan eki altyn jáne eki kúmis medal jeńip alǵan bolatyn. Bul jetistikterdi sportqa degen súıispenshilik pen eren eńbektiń nátıjesi dep baǵalaǵan Memleket basshysy qurama komanda múshelerine zor senim artty.

Paradzıýdodan Azııa chempıony, Álem kýbogynyń ıegeri Temirjan Dáýlet memlekettiń tıisti qoldaý kórsetkeni úshin Qazaqstan Prezıdentine ulttyq quramadaǵy sportshylar atynan alǵys aıtty.

– Bıyl – Qazaqstan Respýblıkasynyń Táýelsizdigine 30 jyl. Men táýelsizdiktiń qurdasymyn. Azat elde týyp-ósken men sııaqty jastardyń arman-maqsaty – kók baıraǵymyzdy bıikte jelbiretý. Bapkerlerimiz jan-jaqty daıyndalýymyzǵa zor eńbek sińirdi. Tokıoda bar kúsh-jigerimizdi salamyz, – dedi sportshy.

Parataekvondodan eki dúrkin álem chempıony Nurlan Dombaev sportshylardyń jattyǵýyna jaqsy múmkindik jasalǵanyn aıtty.

– Parasportshylardyń turaqty túrde oqý-jattyǵý jıyndaryn ótkizýine jaǵdaı jasaldy. Ózim Qazaqstannyń úsh qalasynda daıyndaldym. Qatarymyzda shetelde jattyqqandar da bar. Sonyń nátıjesinde Rıoǵa on sportshy ǵana barsa, bıyl qatarymyz eki eseden asty. Parataekvondo paralımpıada oıyndaryna alǵash ret engizilip otyr. Ultymyzdy uıystyryp, halqymyzǵa jiger beretin jeńiske jetý – basty maqsatymyz, – dedi Nurlan Dombaev.

Ulttyq paralımpıada komıtetiniń prezıdenti Qaırat Boranbaev pen ulttyq quramanyń paýerlıftıng boıynsha Bas bapkeri Artýr Tomıtskıı sportshylardyń daıyndyǵy týraly málimet berdi.

Jıyn sońynda Memleket basshysy sportshylarymyzdyń ónerin búkil halqymyz tamashalap, jankúıer bolatynyn aıtty. Sondaı-aq olardyń jeńisi Táýelsizdigimizdiń 30 jyldyǵyna tamasha tartý bolatynyn atap ótip, ult namysy synǵa túsetin saıysta sáttilik tiledi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT