+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Nur-Sultanda koronavırýs indetimen kúreske qansha qarajat bólindi

2021 jylǵy 29 shilde 17:48
Bólisińiz:
Nur-Sultanda koronavırýs indetimen kúreske qansha qarajat bólindi

NUR-SULTAN. QazAqparat – Bıyl elordada COVID-19 indetimen kúreske qansha qarjy bólindi? Bul suraqqa Áleýmettik-medıtsınalyq saqtandyrý qorynyń Nur-Sultan qalasy boıynsha fılıalynyń dırektory Nurlybek Qabdyqaparov jaýap berdi, dep habarlaıdy QazAqparat tilshisi.

«Nur-Sultan qalasy boıynsha osy jyldyń І jartyjyldyǵynda koronavırýstyq ınfektsııamen kúres aıasyndaǵy is-sharalardy qarjylandyrý 21,8 mlrd teńgeni qurady. Osy oraıda, elorda turǵyndarynyń koronavırýstyq ınfektsııa jáne pnevmonııa kezinde medıtsınalyq kómekti Áleýmettik medıtsınalyq saqtandyrý qoryndaǵy mártebesine qaramastan tegin alatynyn eske salǵym keledi», - dedi N.Qabdyqaparov onlaın ótken baspasóz máslıhatynda.

Sondaı-aq, qor basshysy joǵaryda atalǵan qarjynyń qaıda jumsalǵany týraly aıtty.

«Medıtsına qyzmetkerlerine ústemeaqyǵa - 10,65 mlrd teńge, medıtsınalyq kómekke - 8 mlrd teńge, karantındik jáne ınfektsııalyq statsıonarlarǵa 32,9 myńnan astam adam emdeýge jatqyzyldy jáne emdeldi. Sonymen qatar KVI taralýyn boldyrmaý úshin statsıonar aıasynda úıge kep kórsetiletin medıtsınalyq kómekke 574 myń teńge, 20 adam emdeldi. Jáne de PTR dıagnostıka qyzmetine 2,61 mlrd teńge, 321 myń PTR-test jasaldy, mobıldi brıgadalardyń shyǵýyna 545 mln teńge, 94,6 myń shaqyrtý tirkeldi», - deıdi ol.

Buǵan deıin fılıal basshysy astanada ambýlatorııalyq medıtsınalyq qyzmetke bólinetin qarajat kóleminiń artatynyn málim etti.

Odan bólek, Nurlybek Qabdyqaparov 150 myńǵa jýyq elorda turǵynynyń tegin dári-dármekpen qamtylǵanyn jetkizdi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT