+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jambyl oblysynda aýyl ákimderiniń 60 paıyzdan astamy jańardy

2021 jylǵy 29 shilde 09:12
Bólisińiz:
Jambyl oblysynda aýyl ákimderiniń 60 paıyzdan astamy jańardy

TARAZ. QazAqparat – Jambyl oblysynda aýyl ákimderiniń 60 paıyzdan astamy jańardy, - dep habarlaıdy QazAqparat tilshisi.

Uqsas jańalyqtar

Memleket basshysy Qasym-Jomart Toqaevtyń bastamasymen Qazaqstanda alǵash ret 25-shilde kúni aýyl ákimderiniń saılaýy ótken bolatyn.

Aýyl ákimderin tikeleı saılaý naýqanynda Jambyl oblysyndaǵy 38 aýyldyq okrýg boıynsha 122 kandıdat usynylyp, onyń ishinde 111 úmitker tirkeldi.

Ótken saılaý nátıjesinde tikeleı daýys berý arqyly 38 aýyl ákimi saılandy, olardyń 63,2 paıyzy jańardy.

Onyń úsheýi áıel ákimder. Máselen, Jýaly aýdany Karasaz aýyldyq okrýgine saılanǵan Janar Nurmuratqyzy buǵan deıin atalǵan eldimekendegi ákimdiktiń is-júrgizý jáne esep bóliminiń basshysy bolyp jumys istep, merıtokratııa qaǵıdasy arqyly qyzmette joǵarylap, aýyl ákimi bolyp saılandy.

Jalpy ákimderdiń ortasha jasy – 43, buǵan deıingi kórsetkish – 54 jas bolatyn, ıaǵnı, aýyl ákimderiniń jańa býyny 11 jasqa jasaryp otyr. Eń jas ákim - Rysqulov aýdany Jańaturmys aýylyna saılanǵan 28 jastaǵy Qýandyq Ersaıyn osyǵan deıin aýdan ákimdiginde personaldy basqarý bóliminiń basshysy bolyp qyzmet etken.


Barlyq partııa ókilderine, ózin-ózi usynǵandarǵa teń jaǵdaı jasaldy. Ákim laýazymyna taǵaıyndalǵandardyń 31-i «Nur Otan» partııasynan, «Aýyl», «Adal», «Aq jol», «Qazaqstannyń Halyqtyq partııasy» partııalarynan bir kandıdattan jeńiske jetti. Ózin - ózi usynǵandardyń ishinen 3 adam endi aýyl ákimi laýazymynda jumys isteıtin bolady.

Taǵy da aıta keterligi, óńirdegi jańa ákimderdiń 31 paıyzynyń mamandyǵy ekonomıst, 24 paıyzy muǵalim, 13 paıyzy ınjener, 11 paıyzy aýyl sharýashylyǵy mamany, 5 paıyzy zańger, 16 paıyzy ózge mamandyq ıeleri.

Jambyldyqtar Prezıdenttiń bul jańashyl reformasyna tolyqtaı qoldaý kórsetip, saılaýǵa belsendi qatysty. Óńirdegi 89 saılaý ýchaskesinde 94 642 adam, ıaǵnı saılaýshylardyń 90 paıyzy qatysty.

Ooblys ákimi Berdibek Saparbaev jańadan saılanǵan 38 aýyl ákimderimen kezdesý ótkizdi. Aımaq basshysy olardy jeńisterimen quttyqtap, aldaǵy jumystaryna sáttilik tiledi.


Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT