+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Qaraǵandy oblysynda saılanǵan 75 ákim qyzmetine kiristi

2021 jylǵy 28 shilde 12:48
Bólisińiz:
Qaraǵandy oblysynda saılanǵan 75 ákim qyzmetine kiristi

QARAǴANDY. QazAqparat – Qaraǵandy oblysynda halyq saılaǵan 75 aýyl ákimi qyzmetke kiristi. Aýyl basshylary quramynyń tórtten úsh bóligi jańartyldy. Saılaýda tórt partııanyń ókilderi men ózin-ózi usynýshylar jeńiske jetti. Olardyń ishinde úsh áıel bar. Eń jas jańa saılanǵan ákim 26 jasta, dep habarlaıdy QazAqparat tilshisi.

Uqsas jańalyqtar
Ózbekstandaǵy saılaý: 71,8 protsent saılaýshy daýys berdi Ózbekstanda Prezıdent saılaýy ótti dep tanyldy Ózbekstanda Prezıdenttik saılaý ótip jatyr

Óńir basshysy Jeńis Qasymbek onlaın-kezdesýde saılanǵandarǵa halyqtyń senimin aqtap, árdaıym halyqtyń múddesin qorǵaýdy tiledi.

«Nátıjelerge qarap otyrsaq, kópshiligińiz alǵash ret ákim bolyp otyrsyzdar. Saılaý ótken aýyl basshylarynyń quramy 77%-ǵa jańardy. Bul óte jaqsy, sebebi jańa kózqaras problemalardy jańasha qaraýǵa kómektesedi», – dedi oblys ákimi.

Aýyl ákimderi – bul barlyq memlekettik júıeniń irgetasy, dep atap ótti ol.

«Elimizdiń jetistigi kóp jaǵdaıda óńirlerde, árbir aýylda jumystyń qalaı júrip jatqanyna baılanysty. Árbir aýyldyń ózindik erekshelikteri men problemalary bar, olardy sheshý qajet. Árıne, eń bastysy – adamdardyń muń-muqtajyna árdaıym qulaq túrý. Tek osylaı ǵana bılik shynymen tıimdi bola alady. Jerlesterimizdiń senimi qymbat. Saılaý naýqany kezinde bergen ýádelerińizdi umytpańyzdar», – dep atap ótti Jeńis Qasymbek.

Abaı aýdanynyń Qaraǵandy aýyldyq okrýgin 26 jastaǵy Vladıslav Kıreı basqardy.

«El tarıhynda alǵash ret aýyl turǵyndary ákimderdi saılady. Bul demokratııa men jergilikti ózin-ózi basqarýdyń damýyn kórsetedi. Bul saılaý jastardyń basqarýshy retinde óz kúshin synap kórýge barlyq múmkindikteri bar ekenin kórsetti. Qyzmetke kirise otyryp, tabys adamdardyń ómiriniń jaqsarýyna jáne okrýgtiń damýyna baılanysty bolatynyn túsinemin», – dep esepteıdi eń jas ákim.

Qaraǵandy oblysynda 257 kandıdattyń ishinen 75 aýyl ákimi saılandy. Daýys berýge 61 846 saılaýshy qatysty – bul 75,85%. Saılaýda 14 ózin-ózi usynǵan jáne Nur Otan, «Aýyl», «Aq jol», ADAL partııalarynyń ókilderi jeńiske jetti.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT