+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

SQO-da shekarashy sýǵa ketken 2 jasar sábıdi aman alyp qaldy

2021 jylǵy 27 shilde 19:21
Bólisińiz:
SQO-da shekarashy sýǵa ketken 2 jasar sábıdi aman alyp qaldy

PETROPAVL. QazAqparat – Soltústik Qazaqstan oblysy Ýálıhanov aýdanyndaǵy «Kishkenekól» shekara bóliminiń bastyǵy Aıdyn Tursynǵazyuly sýǵa ketken 2 jasar sábıdiń tiri qalýyna sebepshi boldy, dep habarlaıdy QazAqparat tilshisi.

Uqsas jańalyqtar
Qaraǵandy polıtseıleri kópqabatty úıdegi órtten balalardy qutqardy

Shekara qyzmetiniń SQO boıynsha departamenti baspasóz qyzmetiniń málimetinshe, oqys oqıǵa 18 shilde kúni saǵat 17.30 shamasynda Ýálıhanov aýdanynyń Qaraterek aýylynda bolǵan.

Aýlada oınap júrgen 2 jasar sábı bir mezet ata-ana baqylaýynsyz qalyp, sý toly ydysqa qulap ketken.

Balanyń sýda qansha bolǵany belgisiz, ony tapqan kezde sábıde tirshilik belgisi bolmaǵan eken.

Sol kúni «Kishkenekól» shekara bóliminiń bastyǵy Aıdyn Tursynǵazy jumyspen Qaraterek aýylyna kelgen eken. Ol oqys oqıǵanyń ústinen túsken.

«Maǵan shekarany ótý boıynsha halyqpen túsindirý jumysyn júrgizý mindeti qoıyldy. Aýyl turǵynarymen, fermerermen sóılestim, sosyn aýyl ákiminiń úıine bardym. Jeksenbi bolatyn. Ákimniń úıine týǵan inisi otbasymen, sonyń ishinde 2 jasar sábıimen Nur-Sultan qalasynan qonaqqa kelgen eken. Sóılesip turǵanda balasyn izdegen ananyń daýsy shyqty. Ári-beri júgirip tappady. Biz de izdeýge qosyldyq. Bir kezde úı ıesi - ákim sý toly ydystan sábıdi taýyp, kóterip alyp shyqty. Bala kógerip ketken, qansha ýaqyt sýda bolǵany belgisiz, tirshilik belgisi bolmady», - deıdi Aıdyn Tursynǵazy.

Shekarashy boıyn birden jınap alyp, sábıge alǵashqy medıtsınalyq kómek kórsetedi.

«Jasandy jolmen demaldyrýǵa kiristim. Júrek tusyn ýqaladym. Balanyń ómiri úshin 15 mınýt alysqan shyǵarmyn. Sharshap, eki-úsh ret toqtap, anasy jylap, toqtamańyz, kómektesińiz dep, bir mezet balanyń yńyrsyǵan daýsy shyqty-aý áıteýir.

Feldsherdi shaqyryp, ol dári egip, birden aýdandyq aýrýhanaǵa áketti. Odan jedel járdemmen oblys ortalyǵyna jetkizildi. Bala aman-esen. Qazir jaǵdaıy jaqsy, aptanyń sońyna qaraı aýrýhanadan shyǵady dep estidim.

Aqyl-esi saý, túzý, sonshama ýaqyt myıyna ottegi barmaǵandyqtan múgedek bolyp qalar ma eken dep qorqyp edim. Áıteýir aman qaldy», - deıdi Aıdyn Tursynǵazy.

Qazirgi ýaqytta sábı Nur-Sultan qalasynda em qabyldap jatyr. Jaǵdaıy jaqsy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT