+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qaraǵandyda KVI juqtyryp, ókpesiniń 60% zaqymdanǵan júkti áıel deni saý bala bosandy

2021 jylǵy 27 shilde 19:05
Bólisińiz:
Qaraǵandyda KVI juqtyryp, ókpesiniń 60% zaqymdanǵan júkti áıel deni saý bala bosandy

QARAǴANDY. QazAqparat – Búgin Qaraǵandy oblystyq klınıkalyq aýrýhanasynyń №1 perınataldyq ortalyǵynan júkti kezinde COVID-19-ben aýyrǵan 36 jastaǵy Irına Mıronova shyǵaryldy, dep habarlaıdy QazAqparat tilshisi.

Uqsas jańalyqtar
Qazaqstanda koronavırýstan emdelip jatqan 172 adamnyń jaǵdaıy óte aýyr Matrıtsa: Almaty oblysy «jasyl», Qyzylorda oblysy «sary» aımaqqa shyqty Qazaqstanda ótken táýlikte 1719 adam koronavırýstan jazyldy

Áıel ózi jáne balasy úshin qatty ýaıymdaǵanyn aıtty, biraq dárigerlerdiń kásibıliginiń arqasynda bári oıdaǵydaı boldy, kópten kútken uly saý bolyp týdy.

Irına Mıronovanyń júktiligi asqynýsyz ótti. Áıel barlyq josparly skrınıngterden ótti jáne únemi gınekologtyń baqylaýynda boldy.

Dárigerler oǵan shamamen tamyz aıynyń basynda bosanýy kerek dep boljam jasaǵan.

Alaıda, 37-shi aptada áıel ózin nashar sezine bastaǵan. PTR testin jasaǵannan keıin ol koronavırýs juqtyrǵanyn túsingen.

«Basynda úreı boldy. Meni qorqynysh sezimi baýrap, ózim úshin jáne balam úshin qatty alańdadym. Meni aldymen kádimgi juqpaly aýrýlar aýrýhanasyna jatqyzdy, biraq asqyný paıda bolǵandyqtan perınataldy ortalyqqa aýystyrdy. Tynys alý qıyn boldy, entigip, temperatýra birneshe ret kóterildi. Dárigerler kesar tiligin jasaýǵa sheshim qabyldady. Sábıdiń deni saý bolyp týdy, bizde barlyq kórsetkishter qalypty. Men dárigerlerge rızamyn», – dedi áıel.

Irınanyń kúıeýi Aleksandr Halepov te áıeli men balasy úshin qatty alańdaǵan.

«Bizdiń úlken ulymyz 14 jasta. Bul biz úshin kópten kútken sábıimiz. Men únemi áıelimmen baılanysta boldym. Perınataldy ortalyqtyń dárigerleri men medıtsınalyq qyzmetkerleri oǵan óte muqııat qarady dep aıta alamyn. Men dárigerlerge olardyń qajyrly eńbegi úshin úlken rahmet aıtqym keledi», – dep Aleksandr Halepov medıtsına qyzmetkerlerine alǵysyn bildirdi.

Ata-anasy ulyna Dmıtrıı degen esim berdi.

Oblystyq klınıkalyq aýrýhananyń akýsherlik-gınekologııalyq qyzmetiniń meńgerýshisi Andreı Býınenko perınataldyq ortalyqtaǵy kovıdtik perzenthana 7 shildede júkti áıelder arasynda aýrýdyń ósýine baılanysty ashylǵanyn aıtty. Eseptik qýattylyǵy 50 adamǵa shaqtalǵan kovıdtik perzenthanada qazirgi ýaqytta 65 patsıent bar.

«Búgin biz úshin qýanyshty oqıǵa. Ana men balany aman-esen shyǵaryp jatyrmyz. Naýqasta ókpe tinderiniń 60% zaqymdanýy boldy. Tynys alý jetkiliksizdigi baıqaldy, ol reanımatsııada boldy. Osyǵan baılanysty bizge ony merziminen buryn bosandyryp alýǵa týra keldi. Biraq bala zardap shekken joq. Júkti áıelderdiń koronavırýs aýrýynyń ereksheligi – dıafragmatıkalyq tynys alý. Bosanýdyń ózi keshendi emdeý kezinde naýqastyń jaǵdaıyn jaqsartady», – dedi Andreı Býınenko.

Kovıdtik perzenthana patsıentterdi 22 aptadan bastap jáne odan da uzaq merzimdegi júktilikpen qabyldaıdy. Búgingi tańda reanımatsııada bes áıel bar.

«Barlyq jańa týǵan nárestelerdi biz KVI-ǵa eki ret tekseremiz. Ótken aıda indettiń sımptomsyz túrimen aýyrǵan bala dúnıege keldi. Biz ony 10 kún baqylap, shyǵardyq. Biz balalardy anasynan bólip almaımyz. DDU usynymdary men ulttyq hattamaǵa sáıkes, jańa týǵan nárestege anasymen birge bolý jáne emizý qajettiligi koronavırýstyń paıda bolý qaýpinen asyp túsedi. Biraq bizde balasyna dert juqtyrýdan qorqyp, nárestesin alyp ketýdi ótingen naýqastar bar. Mundaı jaǵdaılar az», – deıdi Andreı Býınenko.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT