+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

SQO-da aýyl turǵyny ınternet-alaıaqtardyń quryǵyna túsip, 2 mln teńgesinen aıyryldy

2021 jylǵy 27 shilde 14:58
Bólisińiz:
SQO-da aýyl turǵyny ınternet-alaıaqtardyń quryǵyna túsip, 2 mln teńgesinen aıyryldy

PETROPAVL. QazAqparat – Soltústik Qazaqstan oblysynda ınternet-alaıaqtar aýyl turǵynyn aldap, onyń jıǵan-tergen 2 mln meńgesin jymqyrdy, dep habarlaıdy QazAqparat tilshisi.

Uqsas jańalyqtar
Elordalyq polıtseıler bir táýlikte 86 qylmysty ashty Qazaqstanda ınternet arqyly esirtki taratýshylarǵa qandaı jaza qarastyrylǵan Júkti áıeldi óltirgeni úshin 20 jylǵa sottaldy - Pavlodar oblysy

SQO polıtsııa departamenti baspasóz qyzmetiniń málimetinshe, óńirde bir táýlikte úsh ınternet-alaıaqtyq tirkeldi. Sonyń birinde alaıaqtar «bankten habarlasyp turmyz» dep aldap, áıeldiń 2 mln teńgesin qoldy etken.

«Esil aýdanynyń 54 jastaǵy turǵynyna, onyń bank shotyna qylmyskerler shabýyl jasap jatyr dep alaıaqtar qońyraý shalǵan, aqshany saqtap qalý úshin «rezervtegi depozıtke» aýdarý kerek dep aıtqan. Áıel aıtylǵan shotqa 2 mln teńgege jýyq jıǵan aqshasyn aýdarǵan. Keıin ol banktiń call-ortalyǵyna júginip, bankten eshkim habarlaspaǵanyn biledi», - deıdi Esil aýdandyq polıtsııa bólimi bastyǵynyń mindetin atqarýshy Saǵyndyq Jantemirov.

Atalǵan fakti QR Qylmystyq kodeksiniń 190-baby 2-bóligi «Alaıaqtyq» boıynsha sotqa deıingi tergep-tekserýlerdiń biryńǵaı tizilimine engizildi.

«Mundaı qylmystyń aldyn alý úshin aýdanda adamdar kóp jınalatyn oryndarda ınternet-alaıaqtardyń túrli tásilderi týraly eskertken broshıýralar men plakattar taratyldy. Banner ornalastyryldy. Ýchaskelik ınspektorlar da únemi turǵyndarǵa aıtyp otyrady. Eskertýler BAQ-ta, áleýmettik jelilerdegi aýdandyq polıtsııa bóliminiń akkaýnttarynda jarııalanyp turady. Adamdardy saq bolýǵa shaqyramyz. Jınaǵan aqshańyzǵa qaýip tónýi týraly «bankten shalynǵan qońyraýǵa» jaýap bermeńiz, sóılesýdi birden toqtatyńyz. Shottaryńyz ornynda ekendigine kóz jetkizý úshin bank bólimshesine baryńyz nemese resmı telefonǵa habarlasyńyz», - deıdi Saǵyndyq Jantemirov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT