+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

28 shilde: Týǵan kún ıeleri

2021 jylǵy 28 shilde 08:08
Bólisińiz:
28 shilde: Týǵan kún ıeleri

NUR-SULTAN. QazAqparat – QazAqparat 28 shildege arnalǵan «Týǵan kún ıeleri kúntizbesin» usynady.

ESІMDER

64 jyl buryn (1957) «Qazselqorǵaý» MM basshysy Kárim Nasbekuly KÓKІREKBAEV dúnıege keldi.

Jambyl oblysynda týǵan. Almaty temirjol kóligi ınstıtýtyn jol qatynastary ınjeneri mamandyǵy boıynsha bitirgen. Ekonomıka ǵylymdarynyń kandıdaty, qurmetti temirjolshy.

Ár jyldary Jambyl oblysy Moıynqum aýdanynyń ákimi, Tabıǵı resýrstar jáne qorshaǵan ortany qorǵaý vıtse-mınıstri, «EırQazaqTýr» JShS bas dırektory, «Qazaqstan temir joly» Ulttyq kompanııasynyń vıtse-prezıdenti, basqarýshy dırektor, damý jónindegi vıtse-prezıdenti, bas ınjener bolyp qyzmet etken. Jambyl oblysy ákiminiń orynbasary (2008-2009), Jambyl oblysy ákimniń birinshi orynbasary (2009-2013), Jambyl oblysynyń ákimi (2013-2018) bolǵan. Qazaqstan Respýblıkasynyń Qyrǵyzstan Respýblıkasyndaǵy Tótenshe jáne Ókiletti Elshisi (2018-2019) qyzmetin atqardy.

Qazirgi laýazymynda 2019 jyldyń tamyzynan bastap.

«Qurmet» ordenimen (2010), «Parasat» ordenimen (2015) marapattalǵan.

60 jyl buryn (1961) Qazaqstan Respýblıkasynyń memleket qaıratkeri Bolat Ábilqasymuly PALYMBETOV dúnıege keldi.

Qyzylorda oblysynyń Shıeli aýdanynda týǵan. Qazaq polıtehnıka ınstıtýtyn, Eýrazııa naryq ınstıtýtyn bitirgen.

Eńbek joly: 1990-1991 jyldary – «Qaısar» óndiristik kesheni tóraǵasynyń orynbasary, Respýblıkalyq júıeli zertteýler ortalyǵy qoldanbaly zertteýler bóliminiń meńgerýshisi. 1991-1992 jyldary – «Jastar» qory keńesiniń tóraǵasy, «Olja» shaǵyn kásiporny dırektorynyń orynbasary. 1992-1993 jyldary – Almaty qalalyq jastar isi komıteti ekonomıka bóliminiń meńgerýshisi, «Astana-Polıs» saqtandyrý fırmasynyń dırektory. 1993-1997 jyldary – «Astana-Invest» ınvestıtsııalyq jekeshelendirý qorynyń basqarýshysy. 1997-1998 jyldary – «Astana-Holdıng» Korporatsııasy» JAQ-ynyń prezıdenti, baqylaý keńesiniń tóraǵasy. 1998-1999 jyldary - «Qazaqstan halyqtyq jınaq banki» AAQ basqarmasy tóraǵasynyń orynbasary. 1999-2001 jyldary – Atyraý oblysy ákiminiń orynbasary. 2001-2002 jyldary – Qazaqstan Respýblıkasy Ekonomıka jáne saýda vıtse-mınıstri, «QazTransOıl» JAQ bas dırektorynyń orynbasary, bas dırektory, «Munaı jáne gaz tasymaldaý» Ulttyq kompanııasy» JAQ bas dırektorynyń birinshi orynbasary. 2002-2006 jyldary – Mańǵystaý oblysynyń ákimi. 2006 jyly – Qazaqstan Respýblıkasy Ekonomıka jáne bıýdjettik josparlaý vıtse-mınıstri. 2007 jyly – «Merkýrıı» AQ dırektorlar keńesiniń tóraǵasy. 2007-2010 jyldary - «Kaspıı» áleýmettik-kásipkerlik korporatsııasy» Ulttyq kompanııasy» AQ-ynyń basqarma tóraǵasy. 2010-2011 jyldary – «QazMunaıGaz» Ulttyq kompanııasy» AQ basqarma tóraǵasynyń orynbasary – basqarýshy dırektory. «QazPetroMash» kompanııasy dırektorlar keńesiniń tóraǵasy. 2011-2016 jyldary – «Samuryq-Qazyna» jyljymaıtyn múlik» AQ basqarma tóraǵasy. Qazaqstan kásipkerleriniń quqyqtaryn qorǵaý jónindegi ýákil (2016-2020).

«Qurmet», 3-dárejeli «Eren eńbegi úshin» ordenderi, taǵy basqa kóptegen marapattary bar.

60 jyl buryn (1961) Qazaqstan Respýblıkasy Parlament Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Andreı Ivanovıch LÝKIN dúnıege keldi.

Tselınograd qalasynda týǵan. 1983 jyly Tselınograd qalasynyń ınjenerlik-qurylys ınstıtýtyn (ınjener-qurylysshy), E.A.Bóketov atyndaǵy Qaraǵandy memlekettik ýnıversıtetin (zańger-quqyqtanýshy) bitirgen.

Eńbek joly: 1985 -1998 jyldar aralyǵynda Qazaqstan Respýblıkasy Іshki ister mınıstrligi organdarynda qyzmet ótkergen. Aqmola qalasy Shyǵys ishki ister bóliminiń bastyǵy, Aqmola qalasy Іshki ister basqarmasynyń bastyǵy, Memlekettik Tergeý Komıtetiniń bastyǵy. 1998 jylǵy mamyr - 2003 jylǵy shilde aralyǵynda – Astana qalasy Turǵyn úı departamentiniń bastyǵy, 2003 jylǵy shilde - qyrkúıek aralyǵynda – Qazaqstan Respýblıkasy Indýstrııa jáne saýda mınıstrligi Ákimshilik jáne quqyq jumysy departamentiniń dırektory, 2003 jylǵy qyrkúıek - 2005 jylǵy sáýir aralyǵynda – Qazaqstan Respýblıkasy Indýstrııa jáne saýda vıtse-mınıstri. 2005-2012 jyldary – Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń orynbasary. 2012-2014 jyldary – Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Tóraǵasynyń birinshi orynbasary. 2014-2017 jyldary – Astana qalasy ákiminiń orynbasary. 2017-2019 jyldary – Qazaqstan Respýblıkasy Bas prokýrorynyń orynbasary.

Qazirgi qyzmetinde – 2019 jyldyń tamyz aıynan bastap.

Qarjy polıtsııasynyń general-maıory. ІI dárejeli «Dańq» ordenimen, birqatar medaldarmen jáne tósbelgilermen marapattalǵan.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT