+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Aqtóbede koronavırýs ınfektsııasyna qarsy vaktsına qalaı saqtalady

2021 jylǵy 26 shilde 14:57
Bólisińiz:
Aqtóbede koronavırýs ınfektsııasyna qarsy vaktsına qalaı saqtalady

AQTÓBE. QazAqparat – Aqtóbe oblysy boıynsha 216 myńnan astam adam vaktsınanyń birinshi, al 124 myńnan astamy eki komponentin qabyldady. Vaktsınatsııa pýnktiniń qyzmetkerleri vaktsınanyń qalaı saqtalatynyn arnaıy kórsetti, dep habarlaıdy QazAqparat tilshisi.

Uqsas jańalyqtar
Shymkent qalasynda karantın merzimi uzartyldy Qytaı 3 jastan asqan balalardy koronavırýsqa qarsy ege bastaıdy Ázerbaıjanda jalǵan vaktsınatsııa pasportyn jasatqandar 5 jylǵa deıin túrmege qamalady

Spýtnık-V vaktsınasy tek muzdatqyshta saqtalady

«SQ-Formatsııa» JShS-ne túsken vaktsına keıin Aqtóbe medıtsına ortalyǵy, oblystyq balalar aýrýhanasynda ornalasqan vaktsına bóliminde saqtalady. Munda tońazytqyshtar men muzdatqyshtar qatar-qatar ornalasqan. Bala ómirge kelgen kúnnen bastap beriletin ekpeler bólek, koronavırýs ınfektsııasyna qarsy vaktsına bólek saqtalady. Ásirese Spýtnık-V vaktsınasyn saqtaýda erekshe ereje ornatylǵan.

«Biz qala men aýdan, aýylǵa vaktsınany osy jerden jóneltemiz. Olar aldymen oblystyq densaýlyq saqtaý basqarmasyna barady, qujatqa mór basyp, vaktsınanyń dozasyn naqty kórsetedi. Sol ruqsat qujatyna sáıkes medtsına qyzmetkerine sanap beremiz. Aýdan qyzmetkerleriniń arnaıy kóligi bar. Tasymaldaýǵa arnalǵan konteıner ishindegi temperatýrany tekserip, talapqa saı beremiz», - vaktsına bóliminiń qyzmetkeri Elvıra Sársenova.

Vaktsına bólimine vaktsına bıyl 31- qańtardan bastap jetkizildi. Qazirgi kezde 5 muzdatqysh jumys istep tur. Mundaǵy temperatýray -20°C nemese -22°C bolýy tıis.

«Biz bar bolǵany eki adam eńbek etemiz. Senbi-jeksenbi demalys. Qaladaǵy emhanalar men aýdandyq emhanalar kúni buryn alyp ketedi. Bul jerdiń esigi temir. Al jaryq sónip qalsa, eki sekýndta qaıta janady», - dedi Elvıra Sársenova.

Vaktsına saqtalatyn muzdatqyshty qaıta-qaıta ashýǵa bolmaıdy

Aqtóbe qalasyndaǵy №6 emhanada 38 myńnan astam adam tirkelgen. Onyń 27 myńnan astamy jasy 18-den asqan turǵyn. Demek osy quram vaktsına qabyldaı alady. Arasynda medıtsınalyq qarsy kórsetkishi bar adamdar da bar. Munda jumys kúnderi 8:00-20:00, al senbi-jeksenbide 9:00-20:00 aralyǵynda vaktsına saldyrýshylardy qabyldaıdy. Dáriger, medbıke, vaktsına salatyn arnaıy mamandar eńbek etedi.

«Hayat-Vax, CoronaVac vaktsınalary bólek saqtalady. Al Spýtnık-V vaktsınasyn saqtaýǵa eki muzdatqysh satyp alyndy. Eger jaryq sónse, kúzet qyzmeti qońyraý shalady. Baılanys telefondary jazýly tur. Emhanadaǵy vaktsına sanıtarlyq talappen saqtalady», - dedi №6 emhanada aǵa meıirbıkesi Sveta Ahetova.

Jaryq sónse, qosymsha qondyrǵy iske qosylady

Al №3 qalalyq emhanada bul jumys júıesi óte sátti uıymdastyrylǵan. Kelgen adam aldymen anyqtamadaǵy suraqtarǵa jaýap berip, keıin dáriger qabyldaýynda bolady. Dáriger men turǵyn arasyndaǵy áńgime óte mańyzdy. Sozylmaly aýrý, allergııa, dári qabyldaý sekildi suraqtardan soń dene qyzýy ólshenip, satýratsııasy tekseriledi. Tynys alýyn tyńdaıdy. Osy tizbekten soń ǵana vaktsına beriledi. Munda birinshi komponent bólek, al ekinshi komponent bólek kabınette beriledi.

«Hayat-Vax, CoronaVac, QazVac vaktsınalarynyń ekinshi dozasy saqtaýly tur. Hayat-Vax 0+2°C temperatýrasynda saqtalady. CoronaVac, QazVac vaktsınalary +2°C jáne +8°C temperatýrasyn qajet etedi. Demek Hayat-Vax vaktsınasynyń ózin, CoronaVac, QazVac vaktsınalaryn birge saqtaımyz. Temperatýra jýrnaly júrgiziledi. Spýtnık-V vaktsınasyn -18°C-22°C temperatýrada tasymaldaý úshin arnaıy qurylǵy da satyp alyndy. Talap boıynsha meıirbıke vaktsına quıylǵan qutyny muqııat qarap shyǵady. Serııasyn tekseredi. Spýtnık-V vaktsınasyn muzdatqyshtan alǵan kezde mindetti túrde ýaqyty jazylady. Eki saǵat sol qalypta turýy tıis. Bes adam egiledi. Eger merzimi ótse, joıylady», - dedi №3 qalalyq emhana bas dárigeriniń meıirbıke isi jónindegi orynbasary Aǵıba Majekenova.

Bul emhanada jaryq sóngen kezde muzdatqyshtarǵa tok beretin arnaıy qurylǵy bar. Bul úzdiksiz tok berýge, vaktsına talapqa saı saqtaýǵa múmkindik beredi.

Aıta keteıik, oblys boıynsha 216 myńnan astam adam vaktsınanyń birinshi, al 124 myńnan astamy eki komponentin de qabyldady. Mektep muǵalimderi, quqyq qorǵaýshylar túgel ımmýndaldy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT