+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Partııalyq emes baıqaý ortalyǵy ákimder saılaýyna baǵa berdi

2021 jylǵy 26 shilde 11:03
Bólisińiz:
Partııalyq emes baıqaý ortalyǵy ákimder saılaýyna baǵa berdi

NUR-SULTAN. QazAqparat – Partııalyq emes baıqaý ortalyǵy keshe ótken ákimder saılaýynyń uıymdastyrylý barysyn qorytyndylady, dep habarlaıdy QazAqparat tilshisi.

Uqsas jańalyqtar
Nur Otan-nyń saılaýaldy ýádeleri aıasynda 127 myń sport sektsııasy ashyldy – Baýyrjan Baıbek Ózbekstandaǵy Prezıdenttik saılaý: Merziminen buryn daýys berý bastaldy Nur Otan-nyń qoǵamdyq keńesterinde 9 myńnan asa másele qaraldy

«Aýyldyq okrýgterdiń ákimderin saılaýdy baıqaý protsesin qamtamasyz etý maqsatynda saılaýdy partııalyq emes baqylaý ortalyǵy quryldy. Ortalyq qyzmetiniń negizgi baǵyty saılaýdy, onyń ishinde saılaý ýchaskelerinde baqylaý men monıtorıng júrgizý arqyly saılaý protsesine júıeli túrde qatysý. Ortalyqtyń fılıaldary elimizdiń barlyq óńirlerinde ashylǵan. «Saılaýdy partııalyq emes baqylaý ortalyǵy» RQB 2021 jylǵy 25 shildede aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin saılaýdy baıqaýǵa belsendi qatysty. Daýys berý kúni tańǵy saǵat 7.00-den bastap ortalyqtyń 2000-nan astam baıqaýshysy respýblıkanyń barlyq oblystaryndaǵy eń shalǵaı saılaý ýchaskelerin qosa alǵanda, 1845 saılaý ýchaskesinde daýys berýdi baqylaýǵa qatysty», - dedi Partııalyq emes baıqaý ortalyǵynyń tóraǵasy Tólegen Kúnádilov baspasóz máslıhatynda.

Onyń aıtýynsha, partııalyq emes baqylaý ortalyǵynyń jumysyna úkimettik emes uıymdardyń 95 ókili qatysty.

«Sonymen qatar, saılaýdy partııalyq emes baqylaý ortalyǵy janynda ahýaldyq ortalyq jumys istedi, onda óńirlerden kelip túsken derekter óńdelip, taldandy. Óńirlik baıqaýshylar shtabtarymen jedel baılanys turaqty negizde saqtaldy jáne 14 oblysta fılıaldardyń basshylarymen jumys úılestirildi. Barlyq baıqaýshylar ýchaskelerge qoldanystaǵy saılaý zańnamasyna, sondaı-aq sanıtarlyq-epıdemıologııalyq normalardyń talaptaryna sáıkes jiberildi. Baıqaýshylar elektorattyń daýys berý belsendiligi joǵary bolǵanyn atap ótti. Saılaý komıssııalarynyń jumysyna shaǵymdar men teris pikirler túsken joq, saılaý ýchaskelerinde eleýli zańbuzýshylyqtar tirkelgen joq», - deıdi ol.

Sondaı-aq, ortalyq basshysy saılaý barysynda kishigirim buzýshylyqtardyń bolǵanyn, biraq onyń dereý joıylǵanyn aıtty.

«Buzýshylyqtardyń basym bóligi tehnıkalyq sıpatta boldy jáne jergilikti jerlerdegi saılaý komıssııalarynyń múshelerimen jedel joıyldy. Atap aıtsaq, jekelegen azamattardyń óz otbasy múshelerine daýys berý áreketi, daýys berý kabınasyna 2 adamnan kirý, keıbir azamattardyń kýálandyratyn qujatsyz bıýlleten alǵysy kelý nıeti, áleýmettik qashyqtyqty saqtamaý sekildi faktiler oryn aldy. Bizdiń baıqaýshylarymyz osyndaı 12 buzýshylyqty tirkedi. Degenmen atalǵan buzýshylyqtar saılaý protsesiniń zańdylyǵy men ashyqtyǵyna áser etpedi», - dedi T. Kúnádilov.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT