+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Qaraǵandy oblysynda aýyl ákimderine daýys berý 149 saılaý ýchaskesinde ótip jatyr

2021 jylǵy 25 shilde 07:50
Bólisińiz:
Qaraǵandy oblysynda aýyl ákimderine daýys berý 149 saılaý ýchaskesinde ótip jatyr

QARAǴANDY. QazAqparat – Qaraǵandy oblysynda búgin, 25 shildede tańǵy jetide saılaý ýchaskeleri ashyldy. Aýyl ákimderiniń alǵashqy tikeleı saılaýy 149 eldi mekende ótip jatyr. 81 myńnan astam saılaýshy ózderiniń konstıtýtsııalyq quqyǵyn júzege asyra alady, dep habarlaıdy QazAqparat tilshisi.

Uqsas jańalyqtar
Sátbaevta bes jasar qyzdy zorlaý oqıǵasy: Sottalǵandar jazasyn jeńildetýdi surap otyr Elorda ákimi úleskerler máselesi qalaı sheshilip jatqanyn aıtty Almatyda 2 metro stansasy iske qosylsa, jolaýshylar aǵyny kúnine 86 myń adamǵa jetedi

Alǵash ret aýyl ákimderin burynǵydaı máslıhat depýtattary emes, turǵyndardyń ózderi tańdaıdy. Sonymen qatar, bıýlletenderde «barlyǵyna qarsy» degen jańa baǵan paıda boldy.

Saılaý ýchaskeleri karantın talaptaryn eskere otyryp daıyndalǵan. Mindetti talaptar – betperde, qolǵaptar jáne antıseptıkter. Áleýmettik qashyqtyqty saqtaý úshin edenge belgi qoıyldy.

Saılaý komıssııalarynyń músheleri koronavırýs ınfektsııasyna qarsy egildi. Baqylaýshylar teris PTR testin usyndy. Kireberiste kelýshilerdiń temperatýrasy ólshenedi.

Oblys boıynsha 75 aýyl ákimi saılanýy tıis – bul olardyń jalpy sanynyń úshten bir bóligi. Geografııa barlyq toǵyz aýdandy, sondaı-aq bes qalanyń - Shahtınsk, Balqash, Jezqazǵan, Saran, Qarajal kentterin qamtıdy. Nura aýdanynda eń kóp saılanbaly oryn qarastyrylǵan – 10. Toǵyz ákim Buqar Jyraý jáne Shet aýdandarynda, segiz ákim Qarqaraly jáne Osakarov aýdandarynda saılanady.

Aýyl ákimi laýazymyna 257 kandıdat úmitker bolyp otyr: 81 adam saıası partııadan jáne 176 ózin-ózi usynýshylar. Ortasha básekelestik – bir orynǵa 3,4.

Aýyl ákimderiniń tikeleı saılaýyn ótkizýge 15 aýmaqtyq jáne 149 ýchaskelik saılaý komıssııalary jumyldyryldy.

Daýys berý aıaqtalyp, daýystardy sanaǵannan keıin saılaý qorytyndylary úsh kún ishinde shyǵarylýy tıis. Saılaý ótkizilgennen keıin jeti kún ishinde aýmaqtyq saılaý komıssııasy saılanǵan ákimdi tirkeıdi, sodan keıin ol óz ókilettigine kirisedi.

Aýyl ákimderi tórt jylǵa saılanady.

Esterińizge sala keteıik, Qazaqstan Prezıdenti 2020 jylǵy 1 qyrkúıektegi halyqqa Joldaýynda aýyl ákimderin tikeleı saılaýdy engizý qajettigi týraly aıtqan bolatyn. Qasym-Jomart Toqaev 2021 jylǵy 25 mamyrda «Qazaqstandaǵy saılaý týraly» Konstıtýtsııalyq zańǵa túzetýlerge qol qoıdy.




Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT