+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Búgin Qazaqstannyń 730 eldi mekeninde ákim saılanady

2021 jylǵy 25 shilde 07:01
Bólisińiz:
Búgin  Qazaqstannyń 730 eldi mekeninde ákim saılanady

NUR-SULTAN. QazAqparat – Búgin táýelsiz Qazaqstannyń tarıhynda tuńǵysh ret aýyl, kent, aýyldyq okrýg jáne aýdandyq mańyzdaǵy qala ákimderiniń saılaýy ótedi, dep habarlaıdy QazAqparat tilshisi.

Sonymen 730 eldi mekenniń ákimi sondaǵy turǵyndardyń tikeleı daýys berýi arqyly anyqtalmaq. 2021 jyldan bastap aýyl ákimderiniń tikeleı saılaýyn ótkizý týraly Prezıdent Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Joldaýynda tapsyrma berilgen bolatyn.

Aýmaqtyq saılaý komıssııalarynyń málimeti boıynsha osy 730 saılaý okrýginde 2582 kandıdat usynylǵan. Solardyń 2297-i tirkeýden ótken.

Kandıdattardyń basym bóligi – óz-ózin usynýshylar. Saılaý týraly zańnamaǵa engizilgen tolyqtyrýlar men túzetýlerdiń arqasynda aýyl ákimderiniń saılaýyna túskisi keletin úmitkerge óz-ózin usyný múmkindigi berilgen bolatyn. Osy múmkindikti bul jolǵy saılaýda 1419 adam paıdalanyp otyr.

Sondaı-aq, 878 úmitkerdi Ádilet mınıstrliginiń tirkeýinde bar 6 saıası partııa usynǵan.

Halyqtyń daýys berýi arqyly ákim bolǵysy keletinderdiń genderlik quramyna kelsek, er úmitkerlerdiń sany –1839. Solarmen birge 458 áıel úmitker baǵyn synaǵaly otyr.

Óz úmitkerlerin usynǵan partııalardyń atynan qatysatyn baıqaýshylardan bólek, «Partııalyq emes baqylaýshylar ortalyǵy» respýblıkalyq qoǵamdyq birlestigi de daýys berý protsesiniń ádil ótýin qadaǵalamaqshy.

«Saılaý úrdisiniń barlyq erekshelikterin eskeretin baıqaýshynyń bloknotyn ázirlep, baıqaýshylardyń bárine tapsyrdyq. Saılaý kúni zańbuzýshylyq anyqtalsa, sol bloknotqa tirkep otyrady. Baıqaýshylardyń bárine saılaý ýchaskelerine kirýge qajet qujattar berildi. Daıyndyq 100 paıyz dep aıtýǵa bolady. Bizdiń basqa baıqaýshylardan ereksheligimiz – qatań beıtaraptyq tanytamyz. Eshqandaı partııa ókilderine bolsyn, memleket bıligine bolsyn, qandaı da bir saılaý ýchaskesiniń komıssııa múshelerine bolsyn, bárine qatań túrde beıtarap ustanymda bolamyz. Zańnamalyq turǵyda saılaý úderisine kedergi jasamaı, baıqaý júrgizemiz», - deıdi birlestiktiń tóraǵasy Tólegen Kúnádilov.

Búgingi saılaý 14 oblys boıynsha 1847 saılaý ýchaskesinde ótedi.

25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.

Saılaý ótkizilgennen keıin úsh kún ishinde búgingi kúnniń qorytyndysy shyǵarylýy kerek. Jeti kún ishinde saılanǵan ákimdi tirkeý júzege asyrylady. Bul rette saılanǵan ákimniń ókilettigi ony tıisti aýmaqtyq saılaý komıssııasy tirkegen kezden bastalady.

Jalpy bıyl jyl aıaǵyna deıin 775 aýyl ákimi saılanady. Elimizde barlyǵy 2346-ǵa jýyq aýyl ákimi bar. Osyny eskersek 2022 jyldyń basynda aýyl ákimderiniń quramy úshten birge jańarady degen sóz.

Alǵashqy lekpen ákimin saılaıtyn edi mekenderdiń tolyq tizimin myna siltemeden kórýge bolady.

Óńirlerdiń aýqymyn esepke almastan saralaıtyn bolsaq, bul jolǵy saılaýda ákimin anyqtaıtyn eldi mekender sany boıynsha Aqmola oblysy kósh bastap tur. Munda bir kúnde 95 aýyl men aýyldyq okrýgtiń, aýdandyq mańyzy bar qala men kenttiń ákimi saılanady. Alǵashqy úshtikti Shyǵys Qazaqstan (77) jáne «Qaraǵandy oblystary (75) túıindep tur. Al Mańǵystaý oblysynda bul joly bar-joǵy 10, Atyraý oblysynda 18 eldi mekenniń ákimi tikeleı saılaý arqyly qyzmetke kelmek.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT