+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Prezıdent tapsyrmasy: Jambylda ár senbi saıyn shóp jármeńkesi ótip jatyr

2021 jylǵy 22 shilde 05:33
Bólisińiz:
Prezıdent tapsyrmasy: Jambylda ár senbi saıyn shóp jármeńkesi ótip jatyr

TARAZ. QazAqparat – Jambyl oblysynda ár senbi saıyn shóp jármeńkesi uıymdastyrylýda, dep habarlaıdy QazAqparat tilshisi.

Memleket basshysy Qasym-Jomart Toqaev Úkimettiń keńeıtilgen otyrysynda jemshóp daıyndaý, egistikti sýmen qamtýǵa qatysty naqty mindetter júktegen bolatyn. Osyǵan oraı, Jambyl oblysynda birqatar jumystar qolǵa alynǵan bolatyn.

Bıyl aýa raıynyń qolaısyzdyǵy men qýańshylyqtyń saldarynan shabyndyqtardy ónimdilik tómendegen.

Bul óz kezeginde mal azyǵyna qajetti jem-shóp baǵasynyń ósýine áser etti.

Osyǵan baılanysty aımaq basshysy Berdibek Saparbaev arnaıy úndeý joldap, qajetti shópti jınap alý úshin ishki barlyq resýrstardy paıdalanýdy tapsyrǵan bolatyn.

«Búgingi tańda taý ańǵarlarynan, saı-sala, ózen arnalarynan qosymsha pishen daıyndaý jumystary bastalyp ketti. Bıyl Sarysý, Moıynqum jáne Talas aýdandaryndaǵy Shý, Talas jáne Asa ózenderiniń boıyndaǵy ónim ótken jylmen salystyrǵanda joǵary bolǵandyqtan, iri sharýa qojalyqtarǵa shópti atalǵan aýdandardan oryp alý usynyldy. Budan bólek, keıbir aýdandaǵy sharýalar óz menshigindegi saı-salalardy halyqqa bólip berip otyr. Osylaısha shóp daıyndaý jumystary Jýaly taǵy bir-eki aýdanda uıymdastyrylýda. Sondaı-aq bizdiń basqarma tarapynan ótken senbiden bastap barlyq aýdan ortalyqtarynda «jem-shóp satý» jármeńkesin ótkizý qolǵa alyndy», - deıdi oblys ákimdigi aýyl sharýashylyǵy basqarmasynyń basshysy Qaırat Amanov.

Mal azyǵy baǵasynyń negizsiz sharyqtap ketýiniń aldyn alý maqsatynda uıymdastyrylǵan jármeńke barlyq aýdanda ár senbi saıyn ótkiziledi.

Máselen, ótken jármeńkede Moıynqum aýdanyna jetkizilgen bir baý jońyshqa – 1000, pishen – 500, bir orama shóp (rýlon) – 3500 teńgeden ótkerildi.

Jalpy jármeńkege 1600 baý pishen, 1000 baý jońyshqa jáne 500 orama shóp (rýlon) jetkizilgen.

Sol sııaqty Turar Rysqulov aýdanynda ótken jármeńkede 36 tonna jońyshqa, 56 tonna pishen jáne 28 tonna saban satylǵan.

Oblys ákimdigi aýyl sharýashylyǵy basqarmasy bul jármeńkeniń aldaǵy aptalarda da turaqty uıymdastyrylatynyn jetkizdi.

Bizdiń kanalymyzǵa jazylyńyz:

Bólisińiz:

Avtor:

Saıa Sembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT