+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Úkimet basshysy Mańǵystaý oblysyndaǵy fermerlerge kómek kórsetýdi tapsyrdy

2021 jylǵy 21 shilde 12:10
Bólisińiz:
Úkimet basshysy Mańǵystaý oblysyndaǵy fermerlerge kómek kórsetýdi tapsyrdy

AQTAÝ. QazAqparat - QR Premer-Mınıstri Asqar Mamın jumys saparymen Mańǵystaý oblysyna keldi, onda oblys ákimi S. Trumovtyń óńirdegi mal sharýashylyǵy salasynda qalyptasqan ahýal jáne qurǵaqshylyqtan zardap shekken aýdandardy jem-shóppen qamtamasyz etý jónindegi baıandamasyn tyńdady. Bul týraly QazAqparat primeminister.kz saıtyna silteme jasap habarlaıdy.

Premer-Mınıstrge asa zardap shekken Mańǵystaý, Beıneý, Qaraqııa aýdandaryn jem-shóppen qamtamasyz etý boıynsha atqarylyp jatqan jumystar týraly baıandaldy. Aqtóbe, Batys Qazaqstan jáne Qostanaı sekildi kórshiles oblystardan shóp jetkizý jáne ótkizý jumystary jolǵa qoıylǵan.

«Azyq-túlik kelisimshart korporatsııasy» UK» AQ-men jasalǵan kelisimshart aıasynda 1200 tonnadan astam arpa ákelindi, olar fermerlerge naryqtyq baǵadan tómen baǵamen satyldy. Sondaı-aq óńirde mal basyn túgendeý boıynsha arnaıy komıssııa jumys jasap jatyr. Fermerlik sharýashylyqtardy jem-shóppen qamtamasyz etý jónindegi máselelerdi jedel sheshý jáne monıtorıng jasaý jónindegi respýblıkalyq shtabtyń qaraý qorytyndysy boıynsha QR Úkimeti Mańǵystaý oblysynda maldyń analyq basyna arnalǵan azyqqa jumsalǵan shyǵyndardy ishinara óteýge 1,9 mlrd teńge bóldi.
Premer-Mınıstrdiń tapsyrmasy boıynsha fermerlik sharýashylyqtarǵa qoljetimdi baǵamen kólemi 114,7 myń tonna daıyndalǵan shópti satyp alý jáne jetkizý úshin turaqtandyrý qoryn qalyptastyrýǵa, sondaı-aq «Azyq-túlik kelisimshart korporatsııasy» UK» AQ arqyly kólemi 56,3 myń tonna jem-shóp (kebek) satyp alýǵa qosymsha qajetti qarajat bólinetin bolady.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT