+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Feık: «Vaktsınamen birge ımmýnıtet tapshylyǵy egiledi»

2021 jylǵy 20 shilde 12:57
Bólisińiz:
Feık: «Vaktsınamen birge ımmýnıtet tapshylyǵy egiledi»

NUR-SULTAN. QazAqparat - Tanymal qazaqstandyq Telegram-arnalardyń birinde COVID-19-ǵa qarsy vaktsına túrinde adamdarǵa «ımmýn tapshylyǵy egiledi» degen sybys tarady, dep habarlaıdy QazAqparat stopfake.kz saıtyna silteme jasap.

Uqsas jańalyqtar

Telegram-da taratylǵan habarlamada COVID-19-ǵa qarsy vaktsınalar tsıtokındik daýyl týdyryp, ımmýnıtetti álsiretetini sonsha, tipti jaı sýyq tııýdiń ózi ólimge ákelýi yqtımal bolatyny aıtylǵan. Buǵan eshqandaı dálel joq.

Tsıtokındik daýyl – bul aǵzadaǵy qabyný reaktsııasy, ol kezde qandaǵy tsıtokınder deńgeıi kúrt artady, bul ımmýnıtettiń óz aǵzasynyń jasýshalary men tinderine shabýyl jasaýyna ákeledi. Munyń saldarynan tinder men múshelerdiń buzylýy, nátıjesinde aǵzanyń ólýi oryn alýy múmkin.
Tsıtokındik daýyl vaktsınalanbaǵan patsıentter arasynda COVID-19 aýyr jaǵdaılarynda jıi kezdesedi.
Bul aýrýǵa qarsy vaktsına osy sııaqty qabyný reaktsııasyn týdyrýy múmkin dep aıtýǵa negiz joq. Kerisinshe, qol jetimdi derekter vaktsınalanǵan adamdar sany kóp elderde aýrýdyń aýyr jaǵdaılarynyń kúrt tómendegenin dáleldep otyr. Sondyqtan tsıtokındik daýyldyń paıda bolý qaýpi azaıady, óıtkeni aýrýdyń aýyr túrimen aýyratyndar az.
Vaktsına alǵan adamdardyń ımmýnıteti álsirep, tipti jeńil maýsymdyq ınfektsııalarmen kúresýdi toqtatatynyna eshqandaı dálel joq. Bıyl kúzde egilgen adamdar jappaı óle bastaıdy degen daqpyrt burynnan bar jáne Qaznette talqylanǵan.

Ol ishinara pandemııalyq tumaýdy modeldeýdiń ǵylymı toby (SPI-M) jasaǵan pandemııanyń damý modeline negizdelgen. Mamandar ony quraı otyryp, shekteý sharalary men olardy joıýdyń pandemııa kezindegi áserin túsinýge tyrysty. Stsenarıılerdiń biri, eger karantındik sharalar alynyp tastalsa, bıyl kúzde aýrýshańdyq artatynyn kórsetti. Bul modelde halyq arasynda vaktsınatsııa kórsetkishteri eskerildi. Alaıda, keıbir Jeli paıdalanýshylary modeldi dál boljamdar dep qabyldady. Bul týraly tolyǵyraq jazǵan bolatynbyz.

Demek, egilgen adamdar kúzde maýsymdyq ınfektsııalardan óle bastaıdy degen teorııa oıdan shyǵarylǵan. Ol manıpýlıatsııalyq habarlamalar men qastandyq teorııalaryna negizdelgen. Búgingi tańda qolda bar derekter vaktsınatsııa deńgeıi joǵary elderde COVID-19 aýyr jaǵdaılarynyń sany kúrt tómendegenin dáleldeıdi. Vaktsınanyń ımmýnıtetti basyp, tsıtokındik daýyl týdyratynyna eshqandaı dálel joq.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT