+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Májilis depýtattary tótenshe jaǵdaı jarııalanǵan aýyldarǵa bardy - Qyzylorda oblysy

2021 jylǵy 19 shilde 13:30
Bólisińiz:
Májilis depýtattary tótenshe jaǵdaı jarııalanǵan aýyldarǵa bardy - Qyzylorda oblysy

NUR-SULTAN. QazAqparat - Májilis Tóraǵasynyń orynbasary Balaım Kesebaeva, Májilis depýtattary Ǵalym Ámireev, Baqytbek Smaǵul, Gennadıı Shıpovskıh jáne «Aq jol» fraktsııasynyń múshesi Berik Dúısenbınov Qyzylorda oblysyndaǵy shalǵaı eldi mekenderge baryp, qýańshylyq oryn alǵan aýyldardy aralady. Bul týraly QazAqparat tómengi palatanyń baspasóz qyzmetine silteme jasap habarlaıdy.

Uqsas jańalyqtar
Qazaqstandyq tennısshilerdiń álemdik reıtıngilerdegi orny Qyzylordada kóshede qarý ustap júrgen turǵyn ustaldy Qazaqstandaǵy apta ishindegi taǵaıyndaýlar

Memleket Basshysy Q.Toqaev Úkimettiń keńeıtilgen otyrysynda ýákiletti organdarǵa jergilikti jerlerde sapaly iske asyrýdy qamtamasyz ete otyryp, jem-shóppen tolyq qamtamasyz etýge, kókónis qoımalaryn salý men jańǵyrtýǵa erekshe nazar aýdarýdy usynǵan bolatyn.

Vıtse-spıker Balaıym Kesebaevanyń tótenshe jaǵdaı jarııalanǵan Aral aýdanyndaǵy turǵyndarmen kezdesýinde qýańshylyq, jaıylymdyq, shabyndyq jerlerdi sýlandyrý, tórt túlik malǵa qajetti jem-shóp, jol máselesi qıyndyq týdyryp otyrǵany talqylandy.

Halyq qalaýlylary Aral aýdanyndaǵy Qambash kóli aımaǵynyń qazirgi jaǵdaıymen tanysyp, Qamystybas, Bógen, Qaratereń, Jańaqurylys eldi mekenderindegi aýyl halqymen júzdesip, jergilikti jerdegi túıtkildi máselelerdi tyńdady.

Kezdesý barysynda Májilis depýtattary aýdandardy aralaýdaǵy negizgi maqsat: qýańshylyq, Syrdarııa ózenindegi sý tapshylyǵyna baılanysty oryn alǵan jaǵdaıdy kózben kórip, turǵyndarmen tildesip sheshý joldaryn qarastyrý ekendigin jetkizdi.

B.Kesebaeva qýańshylyq máselesi júıeli túrde aınalysatyn aýqymdy problema ekenin, buny aýmaqaralyq deńgeıde kóterý qajettine nazar aýdardy. Sonymen qatar, sý máselesine óte baıyptylyqpen qarap, ekologııamen muqııat aınalysý qajettigine basa mán berdi.

Óz keziginde, depýtattar ózge oblystardan tasylyp jatqan jemshópti jurtshylyqqa jetkizý, jep-shóp baǵasyn qoljetimdi bolýy úshin arzandatý jaıyn, sýmen qamtý, bulaq kózderin ashý sekildi túıtkilderdi sheshý joldaryn qarastyrdy.

Sondaı-aq, Májilis depýtattary odan ári oblystaǵy Qazaly, Syrdarııa, Shıeli, Jalaǵash, Qarmaqshy aýdandaryna jáne shalǵaı jatqan aýyldyq eldi mekenderge baryp, halyqtyń tynys-tirshiligimen tanysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT