+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Kórermenniń shynaıy yqylasyna bólengen Abylaı - Sheteldegi qazaqtildi BAQ-qa sholý

2021 jylǵy 18 shilde 12:11
Bólisińiz:
Kórermenniń shynaıy yqylasyna bólengen Abylaı - Sheteldegi qazaqtildi BAQ-qa sholý

NUR-SULTAN. QazAqparat - «QazAqparat» HAA ádettegideı sheteldegi qazaq tilinde taraıtyn aqparat kózderine aptalyq sholýyn usynady.

Shavkat Mırzııaev Qazaqstan SІM basshysyn qabyldady - ÓzA

Ózbekstan Respýblıkasynyń Prezıdenti Shavkat Mırzııaev «Ortalyq jáne Ońtústik Azııa: aımaqtyq baılanys. Qaýipter men múmkindikter» atty halyqaralyq konferentsııasyna qatysyp otyrǵan Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdini qabyldady, dep habarlady ÓzA aqparat agenttigi.

Taraptar Ózbekstan men Qazaqstan arasyndaǵy dostyq, tatý kórshilik jáne strategııalyq seriktestik baılanysty odan ári nyǵaıtý máselelerin talqylady.

QR Syrtqy ister mınıstri Muhtar Tileýberdi Ózbekstan basshysyna Qazaqstan Prezıdenti Qasym-Jomart Toqaev pen Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń quttyqtaýy men izgi tilekterin jetkizgen.

ÓzA-nyń dereginshe, osy kezdesýde bolashaq joǵary deńgeıdegi is-sharalarǵa daıyndyq kórý, sondaı-aq eki el arasyndaǵy ekonomıkalyq jobalar men ózara tıimdi yntymaqtastyq baǵdarlamalaryn ilgeriletýge erekshe nazar aýdaryldy.

«Aýǵanstandaǵy jaǵdaıǵa baılanysty aımaqtyq kún tártibindegi máseleler jáne tamyz aıynyń basynda Túrkimenstanda ótetin kezekti Ortalyq Azııa sammıtine daıyndyq máselesi de talqylandy», dep túıindeıdi ózbekstandyq BAQ.

Qatıra Qalıqyzy «Eńbek sińirgen ustaz» atandy - Kaznews

«Baıan-Ólgıı aımaǵynyń Jalpy bilim beretin №1 mekteptiń aǵa ustazy Qatıra Qalıqyzy «Mońǵol eline eńbek sińirgen ustaz» qurmetti ataǵymen marapattaldy» dep habarlaıdy Kaznews aqparat portaly.

Atalǵan BAQ-tyń deregine súıensek, Ǵun ımperııasyna 2230 jyl, Uly Mońǵol memleketine 815 jyl, Ult azattyq qozǵalysyna 110 jyl, Mońǵol Halyq revolıýtsııasynyń tóńkerisine 100 jyl, Demokratııalyq qozǵalysqa 32 jyl tolýyna oraı Mońǵolııa Prezıdenti Ý.Húrelsúh jarlyq shyǵaryp bilim, densaýlyq, aýyl sharýashylyǵy jáne mádenıet salasynda abyroıly qyzmet atqarǵan 5 azamatqa «Mońǵol eline eńbek sińirgen qaıratker» ataǵyn berdi.

Qazaqstannyń burynǵy bas múftıi dúnıeden ozdy - Parstoday

Dintanýshy, shyǵystanýshy ári ıslamtanýshy ǵalymnyń qazasy týraly habar Irannyń Parstoday aqparat agenttiginde de jarııalandy.

Osy aptada Irannyń Parstoday aqparat agenttiginde Qazaqstanǵa qatysty birneshe aqparat jaryq kórdi.

Sonyń ishinde atalǵan basylym kóziniń arnaıy toqtalǵany shyǵystanýshy, dintanýshy, ádebıet zertteýshisi, fılologııa ǵylymdarynyń doktory Ábsattar Derbisáliniń dúnıeden ótýi týraly habar deýge bolady.

Irandyq BAQ Qazaqstannyń burynǵy bas múftıi beısenbi kúni tańerteń 74 jasynda dúnıeden ozǵanyn aıta kelip, Qazaqstan musylmandarynyń dinı basqarmasy men Qazaqstannyń Aqparat jáne qoǵamdyq damý mınıstri Aıda Balaevanyń osy dintanýshy, shyǵystanýshy ári ıslamtanýshy ǵalymnyń januıasy men dostaryna kóńil aıtqanyn tilge tıek etken.

Aıta ketý kerek, Ábsattar Derbisáli 2000 jyly maýsymnan 2013 jyly aqpanǵa deıin Qazaqstan musylmandary dinı basqarmasynyń tóraǵasy jáne Orta Azııa múftıleri keńesiniń basshysy qyzmetin atqardy.

Kórermenniń shynaıy yqylasyna bólengen jas ártis Abylaı – CNR

Qazir Abylaı Aıdynuly jumys isteıtin «Anar pisip-jetildi» (veb-drama) komandasy qyzmetin 2016 jyly qańtarda bastaǵan.

«Anar pisip-jetildi» - bul turaqty akterler, qyzyqty kórinister men ınternettegi ázil mádenıetin beıneleıtin shaǵyn sıýjettik mını-serııalar. Atalǵan shyǵarmashyq top qazirge deıin óz ortasynda kóptegen kórermen jınap úlgerdi. Komedııalyq veb-drama komandasy - dál ózderine qoıylǵan «Anar» ósimdigi sııaqty myqty, jarasymdy ujym. Olardyń eń basty taǵy bir ereksheligi - shyǵarmashylyq uıymnyń músheleri ár ulttan quralǵan» dep habarlaıdy kazakcnr.com.

Qytaılyq basylym bul joly bir jyldan beri atalǵan ujymǵa jańadan ártis bolyp qosylǵan, kórermenniń erekshe yqylasyna bólengen qandasymyz Abylaı Aıdynulyn arnaıy tanystyrýdy jón kórgen.

Abylaı Aıdynuly 1995 jyly maýsym aıynda Altaıdyń Qaba aýdanynda týǵan. Basketbolǵa qatty qyzyǵatyn ol 9 synypty bitirgennen keıin Úrimshi qalalyq basketbol komandasyna sportshy bolyp qabyldanady. Sońynda sporttaǵy joǵary nátıjesimen Shyńjań pedagogıka ýnıversıtetine oqýǵa túsedi.

2019 jyly Abylaı «Jınshan» degen laqap atpen qysqasha vıdeolar túsirip, áleýmettik jelilerge sala bastaıdy. Onyń osyndaı qyzyqty beınerolıkteri tez arada kóp qaralym jınap, «Jınshannyń» tanymaldyǵy arta túsken.

Sońynan «Anar pisip-jetildi» komandasynyń bas dırektory onyń talantyna tánti bolyp, Abylaıdy atalǵan komandaǵa qosylýǵa shaqyrady.

«Abylaıdyń búgingi nátıjesi ońaı-ospaq qolǵa kelgen joq. «Erdiń atyn eńbek shyǵarar» degendeı «Anar pisip-jetildige» alǵash qosylǵan kezinen-aq, Abylaı óziniń basqa áriptesterinen kóbirek eńbek etý kerektigin bilip, alǵashqy kúnderi 40 neshe kún úıine qaıtpaı, jumys ornynda qalyp, stsenarıı jazýmen aınalysty. Sondaı-aq, óz rólin somdaý jaǵynda mashyqtandy» dep jazady CNR.

Buryn myqty sportshy, qazir el ishinde talantty ártis atanyp úlgergen Abylaı qıyndyqtan qoryqpaıtyn, moıymaǵan adam ǵana qashanda jeńis tuǵyrynda bolatynyn aıtady.

«Men únemi ózgelerdiń nazaryndaǵy qıyn, buralań dep sanalatyn joldardy tańdaımyn. Óıtkeni qıynshylyqqa dóp kelgen saıyn jigerim tasqyndaı túsedi. Qıynshylyqqa moıynsal bolmaǵan adam árqandaı jerde altyndaı jarqyrap, óz qunyn saqtaı alady», - deıdi Abylaı Aıdynuly.

Túrkııa Qazaqstanǵa 96 mln dollar ınvestıtsııa jasady - TRT

Qazaqstannyń Túrkııadaǵy ókiletti elshiligi Qazaqstan Ulttyq bankiniń Túrkııadan Qazaqstanǵa jasalǵan ınvestıtsııaǵa baılanysty 2021 jylǵy alǵashqy shırektegi málimetterdi jarııalady.

Málimetterge qaraǵanda 2021 jyldyń alǵashqy shıreginde Túrkııadan Qazaqstanǵa 96.1 mıllıon dollarlyq tikeleı ınvestıtsııa jasalǵan.

Bul týraly osy aptada Túrkııa radıo televızııa portaly habarlaǵan bolatyn.

Túrkııalyq BAQ-tyń dereginshe, osy málimet 2020 jylǵy osyndaı kezeńmen salystyrǵanda 139 paıyz artqan. Bul - 2005 jylǵy alǵashqy shırekten bergi eń joǵarǵy ınvestıtsııa retinde tirkelgen.

«Sonymen birge 2005-2020 jyldary arasyndaǵy 1-shi shırekte Túrkııadan Qazaqstanǵa ortasha 39.7 mıllıon dollarlyq tikeleı ınvestıtsııa jasalǵan. 2021 jylǵy uqsas mezgildegi ınvestıtsııa atalmysh orshadan 142 paıyz joǵary boldy» dep jazdy Túrkııa radıo televızııa portaly.


Bizdiń kanalymyzǵa jazylyńyz:

#Qandastar   #BAQ  
Bólisińiz:

Avtor:

Beısen Sultan

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT