+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

Abaıdy vetnam tilinde sóıletken aýdarmashy Prezıdenttiń alǵys hatyn aldy

2021 jylǵy 17 shilde 15:16
Bólisińiz:
Abaıdy vetnam tilinde sóıletken aýdarmashy Prezıdenttiń alǵys hatyn aldy

HANOI. QazAqparat – Qazaqstan Elshiliginde eki halyq arasyndaǵy mádenı baılanysty damytýǵa qosqan úlesi jáne Abaıdy vetnam tiline tárjimalaǵan aýdarmashylar tobyna jetekshilik etkeni úshin Doan Zan Ngıepke Qazaqstan Prezıdenti Qasym-Jomart Toqaevtyń alǵys haty tapsyryldy, dep habarlaıdy QazAqparat.

Syrtqy saıası vedomstvo taratqan málimetke sensek, saltanatty rásim barysynda Elshi Erlan Baıjanov Qazaqstan mádenıetin Vetnamda keńinen nasıhattaǵany úshin shyn júrekten rızashylyǵyn bildirip, marapattalǵan azamatqa jańa shyǵarmashylyq tabys tiledi.

Óz kezeginde vetnamdyq kórkem aýdarma sheberi onyń jumysyna joǵary baǵa bergeni úshin shynaıy alǵysyn aıtyp, Qazaqstan Prezıdentine jyly lebizderin jáne izgi tilekterin jetkizýdi surady.

– Kútpegen qurmetke bólingenime óte qýanyshtymyn. Qazaqstan Prezıdentiniń osy sheshimi meni qazaq halqynyń biregeı baı mádenıetin Vetnamda nasıhattaýdy jalǵastyrýǵa qulshyndyrady, – dedi Doan Zan Ngıep.

Abaıdyń «Qara sózderin» vetnam tilinde basyp shyǵarý boıynsha aýdarma tobynyń uıymdastyrýshysy jáne jetekshisi Doan Zan Ngıep, aýdarma redaktory jáne retsenzenti, Vetnam Jazýshylar odaǵynda shetel ádebıetin taratýdy qoldaý qorynyń dırektory Thý Toan jáne Vetnam Jazýshylar odaǵynda shetel ádebıetin taratýdy qoldaý qorynyń dırektorynyń orynbasary Le Dyk Man jumys jasady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT