+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qytaıda ata-anasy vaktsına almaǵan oqýshylar mektepke bara almaýy múmkin

2021 jylǵy 16 shilde 10:26
Bólisińiz:
Qytaıda ata-anasy vaktsına almaǵan oqýshylar mektepke bara almaýy múmkin

BEIJІŃ. QazAqparat – Qytaıda ata-anasy koronavırýsqa qarsy vaktsına almaǵan oqýshylarǵa mektepke barýǵa tyıym salynýy múmkin. Qytaıdyń ońtústigindegi Gýansı-Chjýan avtonomııa aýdanynyń (GChAA) birqatar eldi mekeninde jańa oqý jyly qarsańynda osyndaı sharalar qabyldanbaq, dep habarlaıdy QazAqparattyń menshikti tilshisi.

QHR GChAA Gýıpın jáne Pınlıý qalalarynyń ákimshiligi orta jáne joǵary mektep oqýshylarynyń ata-analaryna koronavırýsqa qarsy ekpeni múmkindiginshe tezirek alý talaby qoıylǵan habarlamany jarııa etti.

Kimniń ata-anasy vaktsına saldyrmasa, ol oqýshylarǵa jańa oqý jylynda mektepke barýǵa ruqsat etilmeıdi.

Osyǵan uqsas talaptar jańa oqý jyly qarsańynda Henan jáne Shensı provıntsııasynyń birneshe eldi mekeninde de jarııalandy.

Buǵan deıin QHR Densaýlyq saqtaý isi jónindegi memlekettik komıtet habarlaǵandaı, ótken seısenbi kúni qurlyqtyq Qytaıda jańa koronvırýs ınfektsııasyna qarsy vaktsınanyń 1,4 mlrd dozasy salynǵan.

Ótken táýlikte Qytaıda COVID-19 juqtyrýdyń 36 rastalǵan jańa jaǵdaıy tirkeldi, onyń barlyǵy shetelden «ákelingen».

Sońǵy resmı málimetterge sáıkes, qurlyqtyq Qytaıda koronavırýspen aýyrǵan naýqastardyń 94,38% jazylǵan.

2019 jyldyń jeltoqsan aıynan bastap elde koronavırýsqa shaldyqqandardyń sany 92 myńnan asty.

Ólim kórsetkishi – 5,32% (koronavırýstan 4636 kóz jumǵan).


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT