+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almaty taýlarynda Wi-Fi ornatylǵan úıshik pen qutqarý pýnkteri paıda bolady

2021 jylǵy 15 shilde 15:47
Bólisińiz:
Almaty taýlarynda Wi-Fi ornatylǵan úıshik pen qutqarý pýnkteri paıda bolady

ALMATY. QazAqparat - Almaty taýlarynda smart-navıgator men Wi-Fi ornatylǵan úıshik pen qutqarý pýnkteri paıda bolady. Bul týraly Almaty qalasynyń Týrızm basqarmasy basshysynyń orynbasary Márlen Maralov onlaın brıfıng barysynda aıtty, dep habarlaıdy QazAqparat tilshisi.

Uqsas jańalyqtar
Almaty zoobaǵynda zebra qulyndady Almaty oblysynda júk kóligi qaǵyp, mert bolǵan er adamnyń kim ekeni belgisiz Jol ortasynda salto jasaǵan almatylyq jaýapqa tartyldy

Onyń aıtýynsha, bıyl taý týrısteriniń sany 4 esege artty. Osyǵan baılanysty ákimdik Almaty turǵyndary men qonaqtarynyń qaýipsiz ári jaıly demalýy úshin qajetti jaǵdaılar jasaý josparyn ázirledi. Taýly marshrýttardyń shalǵaı toraptyq ýchaskelerinde jazdyń sońyna deıin týrısterdi panalaý úshin 15 úıshik salynady.

«Árbir úıshikte izdestirý, qutqarý qyzmetteri úshin kartaǵa jáne GPS-koordınattarǵa baılanǵan reperlik bastyrma da bolady. Tótenshe jaǵdaılar týyndaǵan kezde nemese aýa raıynyń qolaısyz bolǵanda úıshik týrısterge qajetti kómek jıyntyǵyn alýǵa múmkindik beredi (alǵashqy medıtsınalyq kómek jınaǵy, marshrýt kartalary, mobıldi qurylǵylardy zarıadtaý stansasy, jyly kórpe men buzylmaıtyn azyq-túlik jıyntyǵy).Úıshiktiń janyna SOS spýtnıktik sıgnalyn qutqarýshylar pýltine engizý júıesi bar dińgekter ornatylady»,-dedi spıker.

Apat sıgnalyn berýge arnalǵan barlyq spýtnıktik jabdyqtar taýdaǵy úıshik konstrýktsııasyna biriktiriledi, sondaı-aq Wi-Fi fýnktsııasymen jabdyqtalady. Bul júıe shalǵaı taýly marshrýttarda qıyn jaǵdaıǵa tap bolǵan tájirıbesiz, daıyn emes týrısterge arnalǵan.

Paıdalanýshy ınterfeısi mınımaldy-daýystyq qońyraý túımesi, beıne qońyraý kamerasy men birneshe tildegi nusqaýlar bolady.

«Qosymsha týrıstik navıgatsııanyń biryńǵaı júıesin qurý men taýǵa shyǵýǵa arnalǵan smart-navıgator túrindegi qosymshany iske qosý boıynsha jumys júrgiziledi. Ol TJD bazasymen ıntegratsııalanatyn bolady»,- deıdi Márlen Maralov .

Sonymen qatar, olbıyl Kishi jáne Úlken Almaty shatqaldarynda 2 baqylaý-qutqarý pýnkti salynatynyn atap ótti.

Sondaı-aq alǵash ret qurylǵan 16 adamnan turatyn taý qutqarýshylarynyń jasaǵy táýlik boıy kezekshilik etedi.

«Tuıyqsý» shatqalynda qosymsha tikushaq alańy qurylady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT