+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

15 myńnan astam azamat áskerı qyzmetke qabyldandy

2021 jylǵy 15 shilde 15:45
Bólisińiz:
15 myńnan astam azamat áskerı qyzmetke qabyldandy

NUR-SULTAN. QazAqparat - Qorǵanys mınıstrliginde Bas shtab bastyǵynyń birinshi orynbasary general-leıtenant Marat Qusaıynovtyń basshylyǵymen kóktemgi áskerge shaqyrý kampanııasy qorytyndylandy. Bul týraly QazAqparat QM silteme jasap habarlaıdy.

Uqsas jańalyqtar
Lıvanda qazaqstandyq bitimgerlerdiń kezekti rotatsııasy ótti

Osy jylǵy kóktemde Qarýly Kúshterge, basqa da áskerler men áskerı quralymdarǵa 15 myńnan astam adam shaqyryldy, onyń 6 000-nan astamy Qarýly Kúshterge jiberildi.

Keńes barysynda qorǵanys isteri jónindegi departamentterdiń bastyqtary koronavırýstyq ınfektsııanyń taralýy jaǵdaıynda ótken áskerge shaqyrý kampanııasynyń erekshelikteri týraly baıandady.

Qabyldanǵan sanıtarııalyq-epıdemıologııalyq sharalar jıyn pýnktterinde áskerge shaqyrylýshylardyń indetti jappaı juqtyrýyn boldyrmaýǵa, áskerge shaqyrýdy josparly túrde júrgizýge múmkindik berdi.

Áskerge shaqyrý kompanııasy kezinde Uıymdastyrý-jumyldyrý jumystary departamenti buqaralyq aqparat quraldarynda, áleýmettik jelilerde túsindirý jumystaryn júrgizdi. Sonymen qatar, áskerge shaqyrylýshylar, olardyń týǵan-týystary jedel jeli telefondary arqyly jeke áńgimelesý jolymen týyndaǵan suraqtaryn qoıyp, tolyqqandy jaýap aldy.

Bas shtab bastyǵynyń birinshi orynbasary jergilikti áskerı basqarý organdarynyń barynsha ashyqtyǵyn jáne turǵyndardy ótkiziletin is-sharalar týraly habardar etýdi qamtamasyz etý, áskerge shaqyrylýshylardyń týystarymen turaqty túrde keri baılanys ornatý mindetin qoıdy.

Áskerge shaqyrylýshylarda kezdesetin sıpatty aýrýlarǵa júrgizilgen taldaý anaǵurlym keń taralǵan aýrýlardyń kóz, asqazan-ishek joldarymen, omyrtqamen, nevrologııamen baılanysty ekenin kórsetti. Mamandar bunyń sebebin jastardyń qımyl-qozǵalysy az ómir saltyn ustanýymen, durys tamaqtanbaýymen jáne gadjetterdi shekten tys paıdalanýymen baılanystyryp otyr.

Osyǵan baılanysty, jergilikti atqarýshy organdarmen ózara is-qımyl jasaı otyryp, tıisti ákimderdiń qaýlylarymen taǵaıyndalatyn medıtsınalyq komıssııalar jumysynyń sapasyn arttyrý tapsyryldy.

Sonymen qatar, general-leıtenant Marat Qusaıynov áskerge shaqyrý jasyna deıingi jáne áskerge shaqyrylatyn jastardy «Jas sarbaz», «Aıbyn» áskerı-patrıottyq qozǵalysyna, basqa da áskerı-patrıottyq jáne sport klýbtaryna barynsha tartý qajettigine nazar aýdardy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT