+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Májilis depýtattary Shymkenttegi áleýmettik nysandar qurylysyn baqylady

2021 jylǵy 14 shilde 18:16
Bólisińiz:
Májilis depýtattary Shymkenttegi áleýmettik nysandar qurylysyn baqylady

ShYMKENT. QazAqparat - Májilis depýtattary, «Nur Otan» fraktsııasynyń músheleri Muhtar Erman, Berik Bekjanov pen Ǵanı Tashqaraev Shymkent qalasynyń «Qursaı» shaǵyn aýdanynda salynyp jatqan mektep qurylysynyń barysymen tanysty. Bul týraly QazAqparat Májilistiń baspasóz qyzmetine silteme jasap habarlaıdy.

Qurylys nysany Abaı aýdanyndaǵy úsh aýysymdy mektepter máselesin túpkilikti sheshý maqsatynda júrgizilýde. Jańadan salynyp jatqan mektep paıdalanýǵa berilse «Qursaı» shaǵyn aýdanyndaǵy kóptegen óskeleń urpaqtyń bir aýysymda bilim alýyna múmkindik týady. Búginde «Qursaı» shaǵyn aýdanyndaǵy oqýshylar sany 3112-ge jetken. Búgingi tańda nysan qurylysynyń 60 paıyzy oryndalǵan. Mektep osy jyldyń aıaǵyna deıin el paıdalanýǵa beriledi dep josparlanyp otyr. Jobanyń jalpy quny 835 mln. teńgeni quraıdy. Shymkentte demografııanyń ósý úderesi qarqyndy. Sondyqtan da áleýmettik mańyzy bar nysandardy kóptep salý qala bolashaǵy úshin baıandy jumys bolyp tabylady.

Halyq qalaýlylary shaǵyn aýdandaǵy jergilikti turǵyndarmen kezdesti. Kezdesýde aǵymdaǵy jyly sapaly bilim berý úshin jaǵdaı jasaý maqsatynda 2021-2025 jyldarǵa arnalǵan keshendi jospar túzilgeni, atalǵan josparǵa sáıkes, 2025 jylǵa deıin Shymkentte 72 mektep qurylysy júrgiziletini aıtyldy. Onyń ishinde, 2021 jyly 18 732 orynǵa arnalǵan 32 mektep qurylysy júrgizilip, jyl sońynda 10 222 orynǵa arnalǵan 20 mektep paıdalanýǵa berilmek. Nátıjesinde, apatty mektep máselesi tolyǵymen joıylyp, úsh aýysymdy mektepter sany 14-ten 9-ǵa azaıatyny, al 2023 jylǵa deıin túpkilikti sheshiletini aıtyldy.

Budan bólek depýtattar turǵyndardyń ótinish-tilekterin tyńdady. Kezdesýde «Qursaı» shaǵyn aýdanynyń turǵyndary halyq qalaýlylaryna mektepke baratyn jol sapasynyń syn kótermeıtinine narazy ekendikterin bildirdi. Óz kezeginde Berik Bekjanov bul máseleni baqylaýǵa alyp, onyń sheshimin tabýyna yqpal etetinin aıtty. Kezdesýge kásipkerler de qatysty. Máselen, jekemenshik mektep qurylysyn júrgizip júrgen ınvestor atalǵan nysandy salýǵa ketetin shyǵynnyń kóptigin eskere otyryp, olardy salyq tóleý kezinde jeńildikterge ıe bolýyn jolǵa qoıýǵa úıytqy bolýdy usyndy. Májilis depýtaty Erman Muhtar jekemenshik mektepter tek úsh aýysym máselesin sheship qana qoımaı, oqýshylardyń sabaqtan tys ýaqytta qosymsha úıirmelerge barýyna jaǵdaı jasaıtynyn, sondyqtan da ınvestorlardyń mundaı usynystary qoldaý tabýy kerektigin atap ótti.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT